1 Timoti 6:17 - BAṈARA KO VAIRU AMA LEVELEVEO

¹⁷ Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

1 Timoti 6:17 交叉引用

Iruruputo 14:17

Melai kiada keru vota kasa o eve o ṉavi, voko katimo kale se uri ama quli. Ako vota o katimela anime ko nioro ni epa poso koko taku poso kale, ni o mela puarika ko sailao ni o matu zolemela anime,” kiqolake.

1 Timoti 4:10

Animeta matu pazokinio me eva ni meda matu iruruputa, ako animeta meqai kerua animeko kovo vo saevola Baṉara leveleveo o mela kasekema quli, vo kiadamu vo Pakio, melai o maba pakiemani seke tuvevo puevani vo.

Matiu 19:23

Nio Jisu ta eri kiolake voko disaipeli madu kasi, “Aṉata a bazuemela me, matu tapata tu se batiro ama maba poso ta kekai amaqeo vo Baṉara ko lekasa puo.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Luke 19:2

Sai ta inevoana kala matula maba vo takisi o koani, o ṉi ta Zakiasi, ni vota kala batiro ala maba.

Romu 11:20

Kota tuvevo. Koa kata poso ta ko lopai ako seta pui kepa tuvevo pute sole, melai ṉota pui ṉo lopaiva ako ṉota ṉo duvevo puta sole. Melai ṉota pui raurailo, melai ṉota balauve.

2 Timoti 4:10

Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

1 Timoti 6:13

Vo Baṉara ko tanama kale, vo o katikani ko saevo kiadama quli, ni Jisu Karisito ko tanama kale, vo o uria kasa puekeni voko oqu vo Ponitiasi Paelati ko kuleto, aṉata a bazueṉa ṉo

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

1 Tesalonaika 1:9

Kiadama sea maba poso ta ke kaseka meko ṉeamuṉelo eṉe so keru eṉe ṉe joipimele keru me, ni meko ṉamuko meko beku poso tu mevai nabuluputou vo tuvevo ala ni saevola Baṉara,

Epesasi 5:5

Ni meta meqai nianiiovou ko eri: puliala maba ta opa kovou voko reketekete vo Karisito ni Baṉara ko lekasa puo kale vo o erekani ko pauvezato ni rusurusuavo puto ni vo viluloqu o evani. Ako vo viluloqu o evani ta vota voko beku o ika inio sole ko quli vo viluloqu okai evako quli.

Iruruputo 17:25

Ni vota pui oka zariani nio tu animeta me dauvevo animeko ṉase kale ama tauvezato kale, ako kiadama quli ta voko sole, melai vo inio o katimelani ko saevo ni kiadama quli animea kiada mela.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Maka 10:24

Ni sea disaipeli madu ta keta matu vuzeike so keru ke viqa keru koa pesio, melai Jisu ta obeta olake pesio ni mata eri kiolake, “A lolo poso, matu tapata ikio tu kai amaqeo vo Baṉara ko lekasa puo.

Matiu 27:57

Ni inelala kio keru inio kala batiro ala maba Arimatiala ta o baroake Paelati kasi, o ṉi ta Josepa, ni vo melai kala vo Jisu o lulueveni.

Matiu 6:32

Ako komia peuru ma peuru kale ama kutumana kamu inio kuleto ke ikani kiada keru ko sailao ni ju seko vailizato kale. Melai meta pui se jari me qalou, ako mevo aukale ala Mama ta lula okai nianiia kiadama quli saevo ko korotikako quli sole.

Taitasi 3:6

Vo Baṉara ta utu puarivo o eve voa Tabu ala Auvana anime kasi vo Jisu Karisito animevo Pakio kale kude,

1 Timoti 5:21

Aṉata a bazueṉa ṉo vo Baṉara ni Jisu Karisito ni tabu ama mateana madu ko tanama kale tu ṉota zorika aṉa kialani ni ṉota riqaeva ubutiania voa lotu tanala vo o saruekani ṉovo uri ala lolo obe elou melai.

Matiu 12:32

Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.

Luke 3:11

Nio vota o mati tiorikake se ni eri kiolake, “Voa maba omuqa pala topia sabosabo sala ta o kativo ka pala vo puliama sala, ni vo sailao sala ta okai puaro ko,” kiolake.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.

Matiu 25:16

Nio voa nabulu vo o kativeni sike vuro takula ta o olake ni okai iruruputake koa seleni ni o puratikake mata kama sike vuro takula.