1 Tesalonaika 3:3 - BAṈARA KO VAIRU AMA LEVELEVEO

³ tu puliala me azo ta o vaekou voko oqu komia niumaniumato poso kale avo. Meta me uria paqumuka me ṉavi koa niumaniumato soama ta vo Baṉara ko vatolo ikio tu anime kaqe.

1 Tesalonaika 3:3 交叉引用

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 5:3

Ni so jari animeta meqa zoleiva animeko tapata poso, ako me baqumuka ta ko tapata ko epa ta pizaka lojo elo,

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

1 Tesalonaika 5:9

Ako vo Baṉara ta pui opa pitoemele anime tu ko melai barolo voko korakorailo, melai vota o pitoemele tu animeta me qovo ko pakio vo Lekasa Jisu Karisito kale,

1 Koriniti 4:9

Ako aṉako kerukeru kale ta koko tuveano ta omadeuvo vo Baṉara ta zara o iṉela jari eṉe apositolo ṉela, omadeuvo piripiri ama kana madu seke vouvaemo amu jari se solodia madu ke rajaemani seko tova peuru kale; ni kiadama peuru ma peuru kale ama mateana ni maba ta ke toiritoiriṉela ni ke ṉelai balebaleita jari eṉe.

1 Pita 2:21

Ni ko ikio vo Baṉara o melati nokaekema tu me erekou, ako vo Karisito ta o mela tolai me sole Ni vota o katimele kama podepodeti tu meta me luluekou vo o kaevo.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Iruruputo 2:25

Ako Devita ta eri kiove vo Jisu kale avo sole, ‘Aṉata a veve vo Lekasa ta vota kiada keru obeta elou aṉako kuleto vasi, vota aṉako sipole, so sole aṉata pui tapata aba elou.

Jone 16:2

Ako seta ke butuemelou me seko ilusato ko pade poso kale azo, ni ko ikio koa taku so keru mata se maba poso ke vouvaemelou keru me, ni seko kerukeru ta seko vouvaemelo me kale inio seta keva nabuluputa vo Baṉara kikevou.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Pilipai 1:28

Ni aṉata ada mela viqou meta pui meda ma ṉalou meko kana madu, ni pui me ṉalou tu kasa iko meko oqu seke zarazaraemelani kasi. So inio kasa komai elou ta seta ke koqotailou melai meta me bakiovou, ako vo Baṉara inio o katimelou sole meko pakio.

Iruruputo 21:11

Ni vota o ṉelai kuevake eṉe, ni ota va koake Paula ko beleti, ni vota o bibulikake o ṉaviko kiti ni ṉase topi, ni eri kiolake, “Eri nio vo Tabu ala Auvana kiolani: komia beleti sala ta soa pirievo inio ke elou se Jiu amu Jerusalema peuru kale, ni seta ke vaevou se pui Jiu amu ko pizato kale,” kiolake.