1 Pita 3:8 - BAṈARA KO VAIRU AMA LEVELEVEO

⁸ Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 3:8 交叉引用

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

Epesasi 4:31

So sole meta vaekomo kiadama pasopasoilo ni korakorailo ni bomuilo ni karaṉo ni ruqe kasemo edolomu. Ni meta pui mata me erekou kama kideipo sama quli.

Jemisi 3:17

Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.

Epesasi 4:2

So sole meta zarazaraimo, ni baiseo ni inobe emo, ni pui taukavole me qorakoraekiniou, melai me roquekiniou muli.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

1 Koriniti 12:26

So inio kala pado tupu ko kata ta o tolailou, nio kiadama koa tupu ko kata poso ti ko lainikou muli koa tola. Kala lotu maba ta o raurailou, nio koa pado ama lotu qoqono ta keta zoleilou muli.

Matiu 18:33

Melai noi nio ṉota pui ṉo vati odouva ṉovo lolo omadeuvo aṉata a ṉati odouvikinia ṉo jari?’ kiolake.

1 Jone 3:14

Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

Hiburu 13:1

Mea lotu tamania me evani mela vo Karisito kale, meta pui epezo roquekinio.

2 Pita 1:7

ni meko baisemo meko lotu tamania madu, ni ko roquano.

1 Pita 2:17

Meta meda ma paṉaovou kiadama maba madu, ni me roquemou seke luluevani vo Jisu, ni meda va matu paṉaovou vo Baṉara kiadamu kasi azo, ni meda va paṉaovou vo aikovakova.

Jemisi 5:11

Animeta memai nokaekou zolezole amu sea maba poso ako seta pizaka lojo ke eveni sole. Meta lula me viqe vo Jobi ko inobea taruano ni meta meqai nianiia vo Baṉara o puarikema quli vokasi kiadama tapata poso ko tova, voko pizaka lojo elo kale. Ako vo Baṉara ta kovai sukatani ko baiseo ni tauvezato sama roquano sole.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Pilipai 3:16

Melai animeta mebeta zio lulueko koa tuveano ko anime lula meqai baroako.

Romu 15:5

Ni vo Baṉara, vo pizaka lojo ni zuvarato ko raki, ta o bokerimelou me tu omadeu vatolo ni kerukeru me elo meko lulueko kale vo Jisu Karisito o kaevo.

Iruruputo 28:7

Ni koa zaekale azo ta pui vaṉa kama miduku poso Pabiliasi ko, vota koa udu kale ala matula lekasa. Ni vota o odieṉelake eṉe voko pade kasi ni o ṉelati uria baerebaereake eṉe, ni eṉeta ṉe evake sai zouke ṉaniu.

Iruruputo 27:3

Ni koko tovala ṉaniu kale inio ṉe varerikake Saidoni peuru kale. Sai nio Juliasi ta o zarievake vo Paula tu vota o zio melole voko baerebaere poso tu seta ke tauvevo vo kiolake sole.

Iruruputo 2:1

Ni so keru Penetikositi ṉojola ko ṉaniu ko baroake, nio kiadamu seke tuvevo puteni ta ke padoivake kala pado zaekale.

Luke 10:33

Melai kala Sameriala maba ta obeta taliake sai kude ni o baroake ni o veake vo ni vota o matu roquevake vo.

Epesasi 4:32

Melai meta bairumuomo ni roquekiniomo, ni odouvikiniomo me ṉavio kude, omadeuvo vo Baṉara ta o melati odouvikinie me vo Jisu Karisito kale jari.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.