1 Pita 2:17 - BAṈARA KO VAIRU AMA LEVELEVEO

¹⁷ Meta meda ma paṉaovou kiadama maba madu, ni me roquemou seke luluevani vo Jisu, ni meda va matu paṉaovou vo Baṉara kiadamu kasi azo, ni meda va paṉaovou vo aikovakova.

1 Pita 2:17 交叉引用

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

Romu 13:7

Sole meta vouvaekomo meko lipulipu meko tabariko kale meko takisi, ni meta tama paṉaomo ni rauraemomo sea kiadamu, ako seta ke male tu so me imo sole.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

Hiburu 13:1

Mea lotu tamania me evani mela vo Karisito kale, meta pui epezo roquekinio.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Timoti 6:1

Se mabaku poso ta keta ma uria paṉaovou seko tanamu, tu puliala ta ruqe kaseko o elou vo Baṉara ko ṉi ni animeko nianiiekato.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Matiu 22:21

Nio seta ke vati tiorikake ni eri kikelake, “Matula Lekasa Romu ala ko,” kikelake. Nio Jisu ta eri ma kiolake, “Uri, sole Romu ala Matu Lekasa ko ta kativomo vo Romu ala Matu Lekasa, Baṉara ko ta kativomo vo Baṉara,” kiolake.

Epesasi 5:21

Ni meta zorikiniomo muli ako kokale inio meta meda va paṉaovou sole vo Karisito.

Jone 13:35

Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”

1 Pita 2:13

Vo Lekasa Jisu ta o mela zaria me tu meta me zorimou kiadama komia peuru ma peuru ama raura kama maba poso. So sole meta me zorivou vo matu raura kala aikovakova,