8 Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.
Nio Jisu ta eri kiolake vokasi, “Ṉota ṉolai oqua, ako ṉota ṉo lea aṉa sole, kio? Maurumauru amu tisoiko se pui ke leani aṉa melai ke tuvevo putani!” kiolake.
Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.
Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.
So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.
Ako eṉeta pui ṉeqai lilitani ṉela ko kasale ama quli koko keazaivako vilu kale, melai ko pui ko keazaivako quli kio. Ako koko keazaivako quli vilu kale ta puju ama taku kale pala ko evako, melai ko pui ko keazaivako quli ta noqola ko elou.
Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.
Nea lado ta o matu tauvemela me tuvevo me ivani mela, melai se pui tuvevo ke ivani kasi ta eri nio: “Voa lado se orumato ko maba madu pui kepa vai zarini, vo inio erisaṉa voa qulepo ala lado o evani.”
Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.
Vo pui o roquelani maba ta pui o zorikani aṉako nianiiekato. Ni koa nianiiekato ko me lula meme viqema ta pui aṉako ko kiada pala, melai kota ko kuevako a Mama kasi azo, vo o soroeleni aṉa.
Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.
Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.
Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.
vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.
Ni vota o kati olake Paula ni Sailasi voko pade kale ni o niaekake ko sailao ni qo vuatake. Ni vo ni vokale amu ta keta matu zoleike, ako seta ke tuvevo puevake vo Baṉara sole.
“Voa maba vo aṉako bazu poso okai nianiiani ni o zorikani ko, vo inio voa maba vo o roquelani aṉa. Ni aṉa melai a roquevou vo ni kasa a elou a ṉavi vokasi tu olai uria nianiiovou aṉa,” kiolake vo Jisu.
“Ni kala ta o matu roquekou voko mama ni niania ni kobe kai paloasou aṉako roquelo, ta pui o male tu aṉavo disaipeli elo. Ni kala ta o matu roquemou voko meqora poso ni kobe kai paloasou aṉako roquelo, ta pui o male tu aṉavo disaipeli elo.
Ako vo Karisito ko roquano ta aqasiele ama ni palopaloasi ama, ni maba poso ta pui ke rovea paqumuko ko. Melai aṉata a melati vararaita me tu meta meqai nianiiovou koa voko matu aqasiele ama roquano, tu meta me jukatou vo Baṉara ko saevo kale.
