1 Pita 1:13 - BAṈARA KO VAIRU AMA LEVELEVEO

¹³ So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 1:13 交叉引用

1 Pita 5:8

Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

Luke 12:35

“Ka inainaomo ko quli ko kilo ama, ni koikarikomo meko sabosabo ni pakekomo ko juke,

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Epesasi 6:14

So sole meta pizaka lojolo emo tuveano kale, ni kota tonaviso jari ko meqai bibuliako meko sipo topi. Ni meta sakekomo ko sidopu ama saevo meko dumidumi topi.

1 Koriniti 1:7

Sokale avo inio meta pui nieu meqai eva kovo kiadama katizato poso Tabu ala Auvana kasi azo ama, komia taku keru so keru meme dareva keru vo animevo Lekasa Jisu Karisito kasa o elou keru.

Luke 17:30

So jari pado inio ko kalo avo aṉa maba a eveni lala kasa a elou keru.

Hiburu 10:35

So sole meta pui lekuleku elo, ako piza kamela meko tuvevo puto kale ta me qovou ko matuma reketekete sole.

Hiburu 6:19

Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

Romu 13:13

Animeta sidopua talio me elo ṉaniu ko zakaremu kale, pui olavoputo kale ni piza kama ju ko nozueko kale, ni pui sasave ni zata ko iruruputo kale ni ubutianiama pauvezato kale, ni pui pazokinio ma konoilo kale.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

Luke 17:8

Maba pui so pa kiṉovou! Melai eri nio va kiṉovou, ‘Ṉota la inainaeka aṉako sailao ni kiaka bulebule ama sabosabo saita inio ṉo qati kilou aṉako sailao ni ju tu a vuato, koko tova vasi nio ṉoṉo vuatou,’ kiṉovou.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

1 Pita 1:10

Se poropita madu ta ke uria vailike ni ke madoeke kai nianiio komia pakio ko kalo. Se inio seke pidokikeni ko pakiezato sama roquano koko kuevako mekasi.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.

Matiu 20:4

Sole vota o soroemake se tu seta kepa iruruputo voko vaini kiaro kale ni vota o tabarimou se koko male ama tabara kale, ni seta keta olake iruruputole.