1 Koriniti 9:5 - BAṈARA KO VAIRU AMA LEVELEVEO

⁵ Kota pui ko zarizia tu a raeko kama pado lotu kale ama reko ni a odieko ko aṉako talio kale kake apositolo madu ni vo Lekasa Jisu ko visi poso ni vo Pita ke kavani jari, kio?

1 Koriniti 9:5 交叉引用

Jone 1:42

Nio vota o vati olake vo Saimone Jisu kasi. Ni Jisu ta o toiritoirivake vo ni eri kiolake, “Saimone, Jone vo meqora ṉa, erisaṉa ṉoko ṉi ta koṉai nokailou Sepasi,” kiolake. Koko kalo ta Pita ta “Lado” kio kio ko so.

Matiu 8:14

Nio so keru vo Jisu o baroa keru Pita ko pade kasi inio vota o keake Pita ko ravaza, o reko ko niania, vere ama kobeta tekuako kobo topi.

Hiburu 13:4

Kiadama maba ta keta ka paṉao ko sidopu ama roroto saevo kiadama keve kale. Lasive poso roroto amu ni seko reko poso ta ke paṉaekiniou muli tu pui ke niumaeko seko roroto saevo pauvezato kale. Kerukeruekomo vo Baṉara ta o titizimou se ruqe ke erekani seko roroto saevo kale, ni so jari seke pauvezatani.

Qelesia 1:19

Ni sai ta mata puliala apositolo aba toraeve, melai Jemisi o kiada, vo Lekasa Jisu vo visi.

1 Koriniti 7:39

Ko roroto ama reko ta pui ruparupasi ama kovo lasive obeta saeva keru, melai so keru vo o vouvou keru, kota ruparupasi ama tu kota ko raevo kala maba ko kova zariovo ala, vota lotu maba o elou ta.

1 Koriniti 7:7

Mea kiada mela ta omadeuvo aṉa jaria mela tea uri, melai Baṉara ta o katimela anime azaazama bokao, tu kake ta ke rorotou, melai kake ta pui ke rorotou.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Taitasi 1:6

Vo lotu tanala ta kuiripato pide o elou; vota o ṉeamukou omadeu pado reko, ni voko meqora poso ta kerula kamu ke elo, tu maba poso ta pui kemai kuirikou seta piru amu ni zoripato pide amu.

1 Timoti 5:2

ni se qole rekoreko poso ta ṉo niania poso jari, ni se vairu ama rekoreko poso ta ṉo jaqi poso jaria roquemo ni mati vailo eve kiadama ṉoko bulebule ama kalo sate.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Koriniti 7:15

Melai kala ma kama pui qo tuvevo putani nioqa ta qo ziovou voa lasive ma koa reko kasi azo vaeka tu so qo kalo. So ko kalou ta vaeka tu qo lulueko koa keve voa lasive ma reko lotu kalea nioqa. Ako Baṉara ta lula o odiemela anime tu animeta bule kale me elo sole.

1 Koriniti 1:12

Eri nio ko aṉa so ka kialani. Kala ta so kiola “Aṉata a lulueva vo Paula” kiola. Mata kala ta “Aṉata a lulueva vo Apolosi” kiola. Mata kala ta “Aṉata a lulueva vo Pita” ni mata kala ta “Aṉata a lulueva vo Karisito” kiola.

Romu 16:1

Aṉata a melai bazueka ko animeko visi Foebi ta kama uria iruruputo ama reko, koko nabuluputako Kenikarea lotu qoqono kasi.

Jone 2:12

Ni koko tova inio Jisu ni voko niania ni voko visi poso ni voko disaipeli madu ta keta vaitake Keponeami, ni ke evake sai kama poso ṉaniu.

Luke 6:15

ni Matiu ni Tomasi, ni Jemisi Alepiasi vo meqora, ni Saimone, kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo.

Maka 6:3

Ako vota kamada inio, ko Mere vo meqora, ni voko visi poso inio se Jemisi ni Josepa ni Jiudasi ni Saimone, ni voko saqi poso melai koi nio seko peuru melai,” kikelake. So sole seta maba kevai kaikuapake se Nazareti amu.

Maka 1:30

Ni so keru Jisu o baroa keru koa pade kasi, nio seta kevai bazuekake vo Saimone ko ravaza, o reko ko niania ko vere kobeta tekuako kobo topi.

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

1 Timoti 4:3

Soama maba poso ta ke ereka ko nianiiekato koko kaitikako ko roroto ni ko pui me quovou kama sailao poso kio sama. Melai vo Baṉara ta o ereke koa sailao poso tu kuo kaqe, so sole anime me duvevo putani ni meqai nianiiani mela ko tuveano ta me rovea kuo uriavo sama vararaito ko tova.

1 Koriniti 7:8

Aṉata eri kiala se pui roroto amu ni se naboko poso kasi, uri tu meta soa kiada elo beta emo aṉa jari.

Luke 8:20

Nio kala ta eri kiolake Jisu kasi, “Noko niania ni ṉo visi poso ta kebeta lojoa kupekupe ni seta keṉa zaria ṉelo ṉo,” kiolake.