1 Koriniti 9:1 - BAṈARA KO VAIRU AMA LEVELEVEO

¹ Aṉata kala ruparupasi ala maba lala ko Mosese ko Bazu kale azo. Ni aṉata apositolo lala, a veveni lala vo Jisu vo animevo Lekasa. Ni meko oqu ta aṉako va iruruputo vo Baṉara ko epa ikio.

1 Koriniti 9:1 交叉引用

Iruruputo 9:17

So sole vo Ananaiasi ta o olake ni o amaqeake sai Saula o evakoi, ni vota ovai ivikake voko ṉase vo tona ni eri kiolake, “Baerebaere Saula, vo Lekasa ta o soroelala aṉa, vo Jisu, vo oṉai puratalani ṉo keve tona so keru ṉoṉo quela keru koi. Vo inio vo o soroelalani aṉa tu ṉota mata ṉo qeazatou ni oṉai sukatou vo Tabu ala Auvana,” kiolake.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

1 Koriniti 3:6

Aṉata a bapakeni lala meko oqu ko rui, Apolosi ta o sitekeni koa papapapa jukale, melai vo Baṉara inio o qotupikeni.

Iruruputo 23:11

Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Iruruputo 9:3

Ni so keru Saula o baroa keru Damasikasi peuru ko sipole, ko zakaremu aukale azo ama ta ota podoloa vai laqato ko evake ni ko qoloevake vo.

1 Koriniti 9:19

Aṉata kala ruparupasi ala maba lala, ni puliala vo mabaku lala. Melai a ṉavi aṉata kiadamu vo nabulu a eva tu a lilimo kubo maba madu.

2 Timoti 1:11

Vo Baṉara ta o pitoele aṉa tu aṉata kala apositolo a elo ni kala nianiiekato ko maba a elo tu aqai bazuto ko Uri ama Bazu,

Qelesia 5:1

Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Qelesia 1:1

Aṉata apositolo Paula lala, aṉata pui maba kopa pitoeleni lala tu apositolo a elo. Melai aṉata vo Jisu Karisito ni Baṉara animevo Mama inio qo pitoele tutumazi avole tu apositolo a elo. Ni vo inio voa Baṉara vo o saeviveni vo Jisu voukale azo.

1 Tesalonaika 2:6

Eṉeta pui ṉeba kai zariovi tu ṉe ilusio mekasi, ni mata pui ṉeba kai zariovi ilusio edolomu kasi.

2 Koriniti 11:5

Ako aṉata aqai kuirika ta aṉata maba pui zara kalala inio sea meko matuma “apositolo” madu ma kimelani kasi azo!

1 Koriniti 1:1

Aṉa Paula lala, vo Baṉara lula o nokaeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Sosotenisi sase

Romu 11:13

Aṉata a besia erisaṉa me pui Jiu amu mela kasi: Vo Baṉara inio o soroele aṉa tu aqai bazubazuto voko Uri ama Bazu mea pui Jiu amu mela kasi, so sole aṉako komia iruruputo ta matu qulepo ama ka kiavou.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Iruruputo 14:14

Ni so keru Banabasi ni Paula qo viqa keru sea vaki ke ereko kikelako quli, nioqata qo rotiekake nioqako sabosabo ni qo rereake sea matuma vaki ko tiania, ni qo upaupatake ni eri kiqolake,

Iruruputo 14:4

Ni sea maba poso koa peuru kale amu ta keta pitasiake seko kerukeru kale: kake ta uria kerukeru kema evake se Jiu amu, kake ta uria kerukeru keka evake nioqa apositolo kidi.

Iruruputo 13:2

Ni so keru se kebe ilusiva keru vo Lekasa Jisu seko lotumato kale, ni kebeta tabutabua keru seko pui vuato kale, inio vo Tabu ala Auvana ta eri kiolake sekasi, “La edolikomo Banabasi ni Saula, tu nioqata qo ereko koa iruruputo ko lula aṉa aqai pitoekako nioqa,” kiolake vo Tabu ala Auvana.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Iruruputo 9:5

Nio Saula ta o kuimanaoke ni eri kiolake, “Lala ṉa inio ṉo Lekasa?” kiolake. Nio koa kora ta ko vati tiorikake ni eri kikolake, “Aṉa inio vo Jisu lala, ṉoṉo niumaniumaelani lala.

1 Koriniti 10:29

Kota pui me ṉaviko kerukeru ikio koko tizaemela tu pui me quo, melai voa edolola maba ko kerukeru ikio ko tizaemela me. Esa kala mekale ala ta eria kuimanao o elou, “Noi sole inio edolola maba ko kerukeru ta ko tizaelou aṉa a erekako quli kale omadeuvo aṉata pui nio ruparupasia lala jari?

1 Koriniti 10:30

Lula aṉako uriavo a qativa vo Baṉara aṉako sailao kale saita, ta noi sole inio kala maba ta olai titizika koa sailao ko lula uriavo saṉa a ikako?” kiovou.

1 Koriniti 11:16

Melai kala ta pesipesi saṉa o ikou komi quli kiovou, inio aṉako opato ta eṉe ni vo Baṉara ko qoqono poso ta puliama edoloma kalo saṉela.

2 Koriniti 10:7

Meta meda la kea aṉako saevo koko topi ama pala. Kala ta inovoana sai vo so kiolani, “Aṉata Karisito vo lala,” kiolani kio? Soala ta o male tu mata o uria paqumuko ko aṉa melai vo Karisito ko lala kio.