1 Koriniti 5:8 - BAṈARA KO VAIRU AMA LEVELEVEO

⁸ So sole animeta me male kai zoleilo vo Karisito ko vou anime kaqe se kekai zoleiva jari seko Alokato ko ṉojola. Omadeuvo seta ke kie ko isiti pide ama bereti jari animeta me male tu sidopu me elo ni me qaseko ko tuveano, ni pui me ereko ko ruqe ni sarueko.

1 Koriniti 5:8 交叉引用

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Maka 8:15

Ni Jisu ta o balauvimake se ni eri kiolake, “Taka balauvomo se Parese madu ni Herodi ko isiti,” kiolake.

Matiu 16:6

Ni Jisu ta eri ma kiolake se, “Meta vaitomo ni taka balauvomo se Parese madu ni Sadiusi madu ko isiti,” kiolake.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

Epesasi 6:24

Ni aṉata a vararaita tu vo Baṉara ko pakiezato sama roquano ni paito pide ama saevo ta ko elou seke roquevani vo Lekasa Jisu Karisito tona. A baika.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

Jone 1:47

Ni so keru Jisu o vea keru vo Nataniala obeta kueva keru vokasi, inio vota eri kiolake vokale avo, “Nei nio vo ṉisa Izireli ala maba, puliama vai vailizato sala!” kiolake.

Matiu 16:12

Sai nio se disaipeli madu ta kekai nianiiake ta pui o mati balauvika ko isiti bereti kekai erekako melai vota o balauvima se Parese madu ni Sadiusi madu ko nianiiekato kasi azo, ako seko ruqe ama nianiiekato ta komai zaroa se maba madu omadeuvo ko isiti ta kokai zaroa jari pado ama palava.

2 Koriniti 8:8

Aṉata pui a ereka kama piza kama bazu tu meta me ereko ko. Melai aṉata kasa a mela ika sea Masedonia mu ko roquano sama iruruputo tu a zuvarimelou tu me melai soama roquano sama iruruputo erekomo.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

1 Koriniti 5:1

Zio, koko taliako pesio ta so kikola me tona ta ikoana ko vailikinio ruqe ama iruruputo ko ni kota se kutumana kamu melai pui kepa ereko ama ikio. Koa pesio ta so kikola kala maba mekale ala ta o kati maroṉa voko sasa niania, o mama ko omuqama reko.

1 Koriniti 3:3

Ako meta mebeta eva saevo omadeuvo komia ruqe ama peuru ma peuru ko maba poso jari sole. Ako konoilo ni me ṉavio kude aiveaivekinio ta ikoana kobeta eva me tona, ni komi quli ta kasa ko ika ko meta komia ruqe ama peuru ma peuru ko mela inio kio, me mebeta saevani mela koko saevo kale.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.