1 Koriniti 5:10 - BAṈARA KO VAIRU AMA LEVELEVEO

¹⁰ Melai aṉata pui aba kaseme se kutumana kamu seke pauvezatani ni seke ruqeruqetani ni se viluloqu ke evani ni se kuilokuilo amu ni se beku ke ilusikani. Tama soqoilo kale se inio meta maba me vaekou komia peuru ma peuru sole!

1 Koriniti 5:10 交叉引用

1 Koriniti 10:27

Esa kala maba vo pui o tuvevo putani ta o taipazimelou me o pade kasi tu me vuato ni meta meqa zariovou tu me zio sai, uri tu me ziovou ni me quovou ko quli vo o katimelo ama quli ni pui tiṉoliṉoli kai elo ni pui meqai kuimakuimanaovou koa sailao.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.

1 Jone 4:5

Ni sea lipalipa kama poropita madu ta komia peuru ma peuru ko puratimeni inio, ni seke kasekako quli melai komia peuru ma peuru ko quli, so sole komia peuru ma peuru ko ruqe ama maba poso ta ke didiema se.

Pilipai 2:15

so inio meta kuiripato pidea mela ni bulebulea mela vo Baṉara ko korokoroti ama meqora poso mela meda elou meko saevo kale se kaido ama maba madu ni boutare samu ko valuvalu. So inio seko tiania meta talolomo suti jari.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

1 Koriniti 1:20

So sole se nianiiomu ni seke lezumatani maba madu ta pulia quli jari, ni so jari se roverove amu kai zolizoliekinio kale seko kerukeru komia ruqe ama peuru ma peuru ko.

Jone 8:23

Ni Jisu ta o mati tiorikake, “Meta koi miduku kalea mela, melai aṉata a quevini lala aukale azo. Meta komia peuru ma peuru kalea mela, melai aṉata pui komia peuru ma peuru kalea lala.

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

Jone 17:9

“Aṉata a mati vararaita ni ṉokasi, pui a mati vararaita komia peuru ma peuru kale ama maba poso, melai ni, se lula ṉoṉo qatileni aṉa inio, ako seta ṉoko madu sole.

Jone 17:6

“Aṉata lula kasa a iṉa ṉo nia poqala maba poso kasi, se ṉoṉo qatileni komia peuru ma peuru ko maba poso kale azo. Seta lula ṉoko madu, ni ṉota ṉola puarime aṉa. Seta ke zorika ṉoko bazu,

Jone 15:19

Meta peuru ma peuru ko maba poso jaria mela tea, peuru ma peuru ko maba poso ta ke ṉavi jaria roquemelo inio ke elo. Melai aṉata lula a bitoemele me komia peuru ma peuru ko maba poso kale azo, ni meta pui koko mela, Sokale inio ko peuru ma peuru ko maba poso ta ke melai kideipa.

Luke 18:11

“Ni vo Parese ta o edoliake lojolo o kiada ni o vararaitake ni eri kiolake, ‘Aṉata a ilusiṉa ṉo, Baṉara, aṉata pui kuilokuiloa lala ni pui lipalipa kalala, pui a zavematani lala, kiadama maba poso jari. Aṉata a ilusiṉa ṉo aṉata pui voa takisi o koani jaria lala.

1 Koriniti 5:9

Aṉako riki kale ko lula a rikiekema mekasi ta a bazuemele me tu meta pui me zomanou seke pauvezatani ni seke ruqeruqetani kasi.

1 Koriniti 5:11

Ko aṉa a qasekema quli aṉako leta kale mekasi ta meta pui me vati baerebaereovou kala vo eri kiovo ala, “Aṉa inio meko lotu tamania kalea lala,” kiovo ala maba melai vota pauvezato ma ruqeruqeto ko maba inio, ma viluloqu o evani, ma beku o ilusikani, ma maba okai ruqe pesiani, ma saposapoito ko maba, ma kuilokuilo ala. Meta maba pui me zomanou vuato soala maba sase.