1 Koriniti 4:12 - BAṈARA KO VAIRU AMA LEVELEVEO

¹² ni eṉeta ṉe ereka ko ṉase kale ama iruruputo. So keru mauluto ko ṉela loa keru, eṉeta ṉe besieka ko mauruto, ni so keru niumaniumato kale ṉe eva keru, eṉeta ṉe ibua,

1 Koriniti 4:12 交叉引用

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.

Matiu 5:11

“Ni meta me zoleilou kiadama taku, so keru maba poso ke mauluemelou keru ni ke naquemelou keru ni ke melai kuirikou keru kiadama lipalipa kama quli kale aṉako luluelo ko kio kale avo.

Romu 12:14

Pasevomo vo Baṉara tu vota mauru o imo seke niumaemelani me, pasevomo vo tu mauru o imo se, ni pui mati levezo.

Romu 12:20

Melai meta luluekomo ko Tabu ama Riki ko eri kikolako, “O luapou ṉovo kana, ṉota niaeva vo; o rokauvou, ta ṉota kativa ko ju; komi kale inio ṉota ṉo roveovou qurativo vo,” kikolako.

Iruruputo 18:3

ni vota o evake sai ni o iruruputake se sate sai, ako vota kala pado se jari o erekani ko tepe pade sole

Luke 6:28

ni mauru imomo seke melati levezani ni mati vararaitomo se ruqe ke melai kailoekani me.

1 Pita 3:14

Melai seta tapata ke imelou meko sidopu ko ereko kale avo ta, meta matu maurumaurua mela inio. Vo poropita Aisea kiovevo jari, “Meta pui meda va ṉalou kala, ni pui tiṉoliṉoli me elou.”

1 Pita 2:23

Ni se maba poso ta ke ruqe kasevake vo melai vota pui oma besiekake tu mata o ruqe kasemou se; ni so keru maba poso ke tolaeve keru vota pui opa ma korakorai, melai vota ovai kerui vo Baṉara, vo inio vo sidopu ala titizato ko maba.

Luke 23:34

Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

Matiu 5:44

Melai aṉata a bazuemela me, meta me roquevou mevo kana ni me mati vararaitou seke naquemelani me.

Iruruputo 7:60

Nio vota o iqeiqeake ni matuma kora sama pesio o erekake ni eri kiolake, “Lekasa! Ṉota pui tama kerukerueko komia sarueko tu ṉota ṉomai besiekou ko!” Vota so kiolake ni ota vouvake.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

Jiudi 1:9

Vo mateana madu vo kuleto ala Maekolo o ṉi sala ta pui opa ereke soama quli. Ako so keru vo ni Setani qokai zolizoliekinie keru vo Mosese ko tupu, vo Maekolo ta pui o madoekake tu ruqe kasevo ni kuiripato saṉa ivo vo Setani, melai eri nio kiolake, “Vo Baṉara ta o dokoliṉou ṉo!” kiolake.

1 Timoti 4:10

Animeta matu pazokinio me eva ni meda matu iruruputa, ako animeta meqai kerua animeko kovo vo saevola Baṉara leveleveo o mela kasekema quli, vo kiadamu vo Pakio, melai o maba pakiemani seke tuvevo puevani vo.

2 Tesalonaika 3:8

Ni eṉeta pui ṉeba utu koe kala kasi azo ko sailao, melai eṉeta ṉeda matu ti matu irurupute ipu ni ṉaniu, tu puliala me azo ta ṉamuzato saṉa ṉe ivo.

1 Tesalonaika 2:9

Eṉeko visi poso mela, meta me qerukeruekou inio eṉeko matuma iruruputo mekasi ama. Ako eṉeta ṉe irurupute ipu ni ṉaniu tu eṉeta pui matu riteraite ṉe imelo me eṉeko kai bazubazuto kale mekasi ko Uri ama Bazu vo Baṉara kasi azo ama.

1 Koriniti 9:6

Ma aṉa ni Banabasi qe kiada inio qe erekou ko ṉase kale ama iruruputo eqeko kovo kale ko saevo ko korotikako quli, kio?

Iruruputo 20:34

Ni meta lula meqai nianiia ko aṉata a irurupute komia aṉako ṉase kale tu a dabariko kiadama quli a baerebaere poso ni a ṉavi ṉeqa zarima quli.

1 Pita 4:19

So sole me tapata me doraekani mela vo Baṉara ko vatolo kale ta beta olamo ereko uri ama iruruputo ni vai keru voko kati vailo meko pado ama saevo. Ako vo Baṉara inio o eremeleni me ni vota pui ukaka opa ikou voko melati vailo me sole.

Romu 8:35

Sole loma ikio ko pitasimelo ama anime vo Baṉara ko roquano kasi azo? Ko tapata kio, ma tola, ma maba poso ko niumaemelo, ma nioṉe, ma ozaoza, ma vou ni saevo ko tiania elo, ma vouvato kio? Maba pui!

2 Koriniti 11:8

So keru aṉa a irurupute keru mekasi aṉata a qoe ko tabara edoloma lotu qoqono poso kasi azo. Kake ta esa eri kikevou, aṉata omadeuvo ada ma kuilikake jari seko takula tu a iruruputo mekasi.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.