1 Koriniti 4:10 - BAṈARA KO VAIRU AMA LEVELEVEO

¹⁰ Ako meko kerukeru kale eṉeta sarube amu ṉela vo Karisito vai nabuluputo kale, melai inio meta nianiio mela vo Karisito vai nabuluputo kale kimela; eṉeta lekuleku melai meta piza kimela; eṉeta zara kamu ṉela, melai meta raura kamu mela kimela!

1 Koriniti 4:10 交叉引用

1 Koriniti 2:3

Ni so keru aṉa a quevi keru mekasi, aṉata lekulekua lala ṉalo ni dedero kale,

Iruruputo 26:24

Ni so keru vo Paula soa qaraqarailo pesio o eva keru, nio Fesitasi ta ovai upaupatake vo, “Ṉoda sarubeputa inio ṉo Paula! Noko matuma nianiio ta ko sarube pueṉa ṉo!” kiolake.

Iruruputo 17:18

Ni kake nianiioma pesio sama maba poso Ipikiuriani ni Sitoiki nianiiekato ko poqala kale amu melai kekai zomanake vati aivekinio vo. Nio kake ta eri kikelake, “Nonia kirikirimato inio o evani nea maba?” Ni mata kake ta ke opatake ni eri kikelake, “Vota okai bazubazuta jari avo kama edoloma baṉara poso.” Seta so kikelake ako Paula ta okai bazubazutake vo Jisu ko mata saevo voukale azo sole.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.

2 Koriniti 13:9

Aṉata ada zoleilou tu zara elo, meta me bizatou meko oqu kale ta. Nio aṉako vararaito ta meta maba bea maba sidopu me elou.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Tesalonaika 4:8

So sole voa maba vo okai keduvo ala komia nianiiekato, ta pui ovai kedua kala maba, melai vo Baṉara inio ovai kedua, vo o katimelani me voko Tabu ama Auvana.

2 Koriniti 11:29

So keru kala maba lekuleku o eva keru, aṉata duki aqai eva voko soama lekuleku, ni so keru kala maba ko sipativa keru ko sarueko, aṉata matu upotuqu ada eva.

2 Koriniti 11:19

Ako meta nianiio mela sole, so inio meta mema zoleiva se sarube amu! Ma noi nio esa?

2 Koriniti 10:10

Ako kake ta eri kikelani, “Paula ko riki poso ta vualavuala kama ni piza kama, melai so keru vo koi eṉe kasi o eva keru, ta lekuleku ala voko tupu kale, ni voko bazubazuto melai pulia quli jari!”

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

1 Koriniti 4:8

Meta pui aikailo! Meta lula me qoa koa kiadama azaazama iruruputo ko pizato Tabu ala Auvana o puarikake kimelani mela. Meta vo Karisito lula o vaita jari me qavani mela ni meta lula me lekasa puani mela vo sate kimelani mela, ni eṉeta pui soa lekasa puilo ṉe evani ṉela. Uriavo, aṉata a mela zaria me tu meta tuvevo avole lekasa inio meda eve, ako so tea eṉe melai ṉeda zomano nio lekasa elo me sase!

1 Koriniti 3:2

Aṉata a niaemele me susu ko epa kale, pui zokele ama sailao, ako meta kota pui nio me malezika kuo sole. Ni erisaṉa melai meta pui nio me male tu kuo ko.

1 Koriniti 2:14

Voa maba vo pui o koani koa Auvana ta pui o rovea kovo koa pizato vo Baṉara ko Auvana kasi azo ko kuevako tu o ereko ko azaazama iruruputo poso. Soala maba ta pui o paqumukani koa azaazama iruruputo maba madu ke erekako koa pizato kale, ni sarube ama ka kiolani ko, ako koa iruruputo ta Auvana kale ko kiada inio ko paqumuivako sole.

Iruruputo 17:32

Ni so keru seke viqe keru koa mata saevo voukale azo inio kake ta kevai balebaleitake vo, melai kake ta eri kikelake, “Eṉeta ṉeqa zaria taṉa viqo mata ko ṉo ṉoqai bazutako quli,” kikelake.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Luke 18:9

Ni Jisu ta o kasekake komia podepodeti se ke ṉavi nio sidopu amu kikelani kasi seke perimani edolomu.

Luke 10:16

Nio Jisu ta mata eri kiolake voko disaipeli poso kasi, “Vo o didiemelo ala me, ta o didiela aṉa, ni vo o melai kideipo ala me ta olai kideipa aṉa, ni vo olai kideipo ala aṉa ta ovai kideipa vo o soroeleni aṉa,” kiolake.

Luke 6:22

Meda zoleiva tisoiko so keru se maba madu ke melai kideipou keru, ni ke kupemelou keru me, ni ke maulumauluemelou keru, ni ruqea mela mela kikevou keru meko luluelo kale avo aṉa maba a eveni lala!

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

Matiu 5:11

“Ni meta me zoleilou kiadama taku, so keru maba poso ke mauluemelou keru ni ke naquemelou keru ni ke melai kuirikou keru kiadama lipalipa kama quli kale aṉako luluelo ko kio kale avo.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

1 Koriniti 1:23

melai eṉeta ṉevai bazuta vo Karisito korosi topi o vovini, koa bazu ko kuvaruvarua kelo ama se Jiu amu kasi, ni se pui Jiu amu sarube ama ka kikelako.

1 Koriniti 1:25

Ako koa Bazu vo Baṉara ko sarube puto ka kikelako ta matu nianiioma kokai paloasako maba ko nianiio, ni koa Bazu vo Baṉara ko lekuleku ka kikelako ta matu piza kama kokai paloasako maba ko pizato sole.

2 Koriniti 6:8

Eṉeta ṉe eva raurailo kale ni qurato kale, eṉeta ṉe qoa ko zarazarato ni ṉe ilusia. Maba poso ta lipato jari ke iṉela, melai eṉeta ṉeqai pesia ko tuveano.

2 Koriniti 4:12

So sole eṉe apositolo ṉela ta ko vou ko tapata kale, melai Sokale avo inio Baṉara o puarikako saevo ta ko eva me tona.