1 Koriniti 3:6 - BAṈARA KO VAIRU AMA LEVELEVEO

⁶ Aṉata a bapakeni lala meko oqu ko rui, Apolosi ta o sitekeni koa papapapa jukale, melai vo Baṉara inio o qotupikeni.

1 Koriniti 3:6 交叉引用

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Koriniti 9:1

Aṉata kala ruparupasi ala maba lala ko Mosese ko Bazu kale azo. Ni aṉata apositolo lala, a veveni lala vo Jisu vo animevo Lekasa. Ni meko oqu ta aṉako va iruruputo vo Baṉara ko epa ikio.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

Romu 15:18

Aṉata aqai matu velavelaovou ko quli pala vo Karisito lula o erekako aṉa kale kude tu o odiemo se pui Jiu amu tu ke zorivo vo Baṉara. Vota lula o ereka ko quli pesio ni iruruputo kale,

Iruruputo 21:19

Ni Paula ta o saṉaemake se ni vota o supitikake kaseko kiadama quli vo Baṉara o imaniavo se pui Jiu amu o ṉavi voko iruruputo ko taku kale sekasi.

Iruruputo 18:24

Ni koa taku keru inio kala Jiu ala Apolosi o ṉi sala, Alekezadaria o alileni, ta o kuevake Epesasi peuru kale. Vota kala nianiiola maba ni o uria patapataekani ko Tabu ama Riki.

Iruruputo 16:14

Ni kama pado se azo koko taṉela viqema eṉe ta Lidia. Kota Taiataira ama rekoreko, ko kokai tatabaraovima ko soqu domu ama suma. Ni kota kama pado rekoreko koko ilusivema vo Baṉara, ni vo Baṉara ota ka veukeni koko kerukeru tu ko didieko vo Paula o kasekema quli.

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

1 Koriniti 1:12

Eri nio ko aṉa so ka kialani. Kala ta so kiola “Aṉata a lulueva vo Paula” kiola. Mata kala ta “Aṉata a lulueva vo Apolosi” kiola. Mata kala ta “Aṉata a lulueva vo Pita” ni mata kala ta “Aṉata a lulueva vo Karisito” kiola.

1 Koriniti 3:7

So sole aṉa a bapatani lala ni vo o sitezatani jukale ta pulia quli qela, melai vo Baṉara vo o qotupikani ko papapapa inio matula.

1 Koriniti 3:22

Paula melai, Apolosi melai, Pita melai; ni kiadama quli ta mata meko ikio sole; komia peuru ma peuru, ni noqola kama saevo ni voukale azo ama pakio, komia erisaṉama taku ni ko kilo ama taku.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.