1 Koriniti 3:16 - BAṈARA KO VAIRU AMA LEVELEVEO

¹⁶ Meta pui nio me baqumuka ko me inio vo Baṉara ko Jelepade mela ni ko Baṉara ko Auvana ta ko melai loiva me, kio?

1 Koriniti 3:16 交叉引用

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

2 Koriniti 6:16

Ni vo Baṉara ko Jelepade kale ke ilusatani ta mata beku poso ke ilusikani nio, kio? Ako anime inio vo saevola Baṉara ko Jelepade mela! O ṉavi Baṉara kiovevo jari, “Aṉata a erekou aṉako zae a ṉaviko maba poso kasi ni aṉata a loilou se sate; Aṉata sevo Baṉara a elou, ni seta aṉako maba madu ke elou.”

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

2 Timoti 1:14

Vo Tabu ala Auvana ko pizato kale, vo obeta evani anime tona, ṉota kati vaile ko Uri ama Bazu ko tuveano, vo Baṉara ṉai keru kale lula o vaekako ṉoko ṉase topi.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

Romu 6:3

Ako meta meqai uria nianiia so keru anime lula omadeu me eve keru Jisu Karisito sase voko bapitaiso kale, so keru inio animeta mata bapitaiso me eve voko voukale.

1 Koriniti 9:24

Tuvevo meta memai nianiia kubo rereo ko maba madu ta kekai zomana ko rereo voziekinio, melai kala pado se azo inio o koani ko tabara. Sole meta soa saevo emo tu meta me qovou ko tabara vo Baṉara kasi azo ama!

1 Koriniti 9:13

Tuvevo avole meta meqai nianiia ko sea maba madu seke iruruputani Jelepade kale ta ke koa seko sailao Jelepade kale azo, ni seke iruruputani siqato ko sara kale ta ke koani seko kena koa siqato kale azo.

1 Koriniti 6:9

Meta pui nio meqai nianiia se ruqe amu ta pui kepa amaqeovou vo Baṉara ko lekasa puo kale? Meta me uria paqumukou komi; pui se olavo amu, ni pui seke ilusikani ko beku ni pui seke zavematani ni pui se lasive amu ke ṉavio kude ke pauvekani ruqe ama iruruputo,

1 Koriniti 6:16

Ma esa meta pui mevai nianiia kala maba vo okai zomanani ko takuto ta omadeu o kati eva koa sasave, kio? Ako Tabu ama Riki ta ko uria kaseka ko eri sole, “Omuqa kidi ta omadeu qo elou.”

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

Romu 6:16

Ako meta lula me baqumuka ko meta kama mabaku mela inio kio meko zoriko kale kala maba kiolani, so sole meta voa lekasa vo meme zorivani ko mabaku mela inio. Kake mela ta ko sarueko ko mabaku mela inio, ko vou sama, kake mela ta zoripato ko mabaku mela, ko sidopu ko imelako me vo Baṉara ko kelokelozato kale.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

1 Koriniti 3:17

So sole kala ta ota mela niumaekou vo Baṉara ko Jelepade mela ko oqu inio vo Baṉara ta o niumaevou vo. Ako vo Baṉara ko tabu ama Jelepade mela inio ko me sole.