1 Koriniti 3:10 - BAṈARA KO VAIRU AMA LEVELEVEO

¹⁰ Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

1 Koriniti 3:10 交叉引用

1 Koriniti 3:11

Ako vo Baṉara ta lula kala pado vola o ive vo Jisu Karisito, ni edoloma vola ta puliala o roveani ereko sole.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

Romu 15:20

Aṉako matuma zario ta aṉata aqai bazubazuto ko Uri ama Bazu sai vo Karisito ko ṉi sai pui nio keta va viqakoi zama peuru poso kale, ako aṉata pui aqa zaria iruruputo sai kala maba lula o tanitekoi iruruputo sole.

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Kelokelozato 21:19

Koa matu peuru ko idi ko lado vola ko matu lado poso ta ko kapikapitako lado ko kiada kama. Kuleto ama vola ta jasipa lado, omuqala ta sapaea lado, zouke ala ta aqate lado, ariku ala ta emerali lado,

1 Koriniti 9:2

So sole esa kake ta pui kepa tuvevo puekou ko aṉata kala apositolo lala inio kio, melai meta me male tu matu tuvevo iko aṉako apositolo elo. Ako meko omadeu elo kale animevo Lekasa Jisu sase me ṉavi ta kasa me ika koa aṉata kala apositolo lala inio kio.

Matiu 7:24

Nio vo Jisu ta mata eri ma kiolake se, “Kala vo o viqani komia aṉako bazubazu ni o luluekani ta kala nianiiola maba jari, vo o orumukani voko pade miduku sama lado topi.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

2 Timoti 2:15

Ṉota madoeka tu ṉota matu korokoroti eve vo Baṉara ko kelokelozato kale. Ṉota ṉo qorotikou kai bazubazuto ko tuvevo ama Baṉara ko bazu tu ṉota kala iruruputo ko maba ṉa pui ṉo quratani ṉa ṉoko iruruputo kale ṉo elou.

Kolosi 4:17

Ni bazuevomo vo Akipasi, tu vota o tovoziko ereko koa iruruputo Jisu lula ova pitoekema vo tu vota o ereko.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Iruruputo 18:27

Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.

Luke 11:35

Balauve nio ṉoko zakaremu ta pui kutumana ko elou.

Jemisi 3:1

A lolo poso mela, pui uri tu kubo mela ta lotu kale ama nianiiekato ko maba poso elo. Ako meta meqai nianiia ta eṉe lotu kale ama nianiiekato ko maba poso ṉela ta ṉe qovou ko Baṉara ko matuma kuiripato kokai paloasako se pui nianiiekato ko maba poso ke kovo ama, ruqe ṉe erekou ta.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

Kolosi 1:29

Aṉata a matu iruruputa tu a ereko koa iruruputo ni a matu madoeka vo Karisito ko pizato kale ko aṉa ko matu pizatilako.

Romu 15:15

Melai komia leta kale aṉata pui a lalamata melai kerukerueko me ko lula meme baqumukako quli, ni aṉata pui a ṉava melai bazueko ko quli ako vo Baṉara ta o soroela aṉa voko pizato kale sole,

Luke 21:8

Nio Jisu ta eri kiolake, “Balauvomo, tu puliala ta o lipalipaemelou me. Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoevani lala!’ kikevou, ni Taku ta lula kota baroa!’ kikevou. Melai meta pui me luluemou se.

Kelokelozato 21:14

Voa matu peuru ko idi ta ko erei toni omuqa lado vola ko matu lado kale, vo Sipi Meqora ko toni omuqa apositolo madu ko ṉi kokai rikiziovima.

2 Koriniti 10:15

So sole eṉeta pui ṉeba kai rauraraurailou edolomu ko iruruputo vo Baṉara pui opa ṉelati soroekema eṉe. Melai eṉeko zario ta meta me rapukou meko oqu kale ni eṉeta ṉe roveovou ereko mata kubo iruruputo mekasi.

1 Tesalonaika 3:2

Nio eqeta qe soroevake vo Timoti, eqevo visi vo eqe sase ova iruruputani vo Baṉara voko kai bazubazuto kale vo Jisu Karisito ko Uri ama Bazu. Eqeta qe soroeve vo tu o pizatimelo me ni o tauvemelo me meko oqu kale,

2 Pita 3:15

Ni kerukeruekomo komi ta animeta me bakiovou ako animevo Baṉara ta o vanonoriemela sole anime. Animevo baerebaere Paula melai o melai bazueke me koa omadeuma quli so keru vo o mela rikite keru voko nianiio sama riki kale.