1 Koriniti 2:12 - BAṈARA KO VAIRU AMA LEVELEVEO

¹² Pui komia ruqe ama peuru ma peuru ko kerukeru ikio anime lula me qoako, melai animeta lula me qoani mela vo Baṉara o soroekema Auvana, tu animeta me baqumuko kiadama quli vo Baṉara lula o katimelo anime ka kiolako.

1 Koriniti 2:12 交叉引用

1 Jone 2:27

Ako vo Karisito ta o katimele me voa puaro sole, vo Tabu ala Auvana, ni voa puaro ta inevoana mekasi. Sole meta mata pui meba va zariovou kala edolola nianiiekato ko maba. Ako voa puaro o katimeleni ta obe nianiiekimela me sole. Ni voa puaro ta tuvetuve ala sole, melai pui lipalipa kala. So sole meta vinaimo Karisito kale, ako vovo puaro ta obe melati nianiiekata me tu meta me vinailou Karisito kale.

1 Jone 2:20

Melai meta Tabu ala Auvana samela vo Jisu o katimeleni. Sole mea kiada mela ta meqai nianiia ko tuveano.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Jemisi 4:5

Pui lipato iko ko tuveano Tabu ama Riki topi ama ko so kikolako, “Vo maba ko auvana vo Baṉara lula o vaekema anime tona ta kokai sukata ko ṉaloṉalo ama vatolo.”

Romu 8:32

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

Kelokelozato 22:6

Ni vo mateana ta eri kiolake aṉa kasi, “Komia bazu ta tuvevo ni kerula kama bazu. Ni vo Baṉara vo o katimani voko Tabu ama Auvana se poropita madu, ta o soroeve vovo mateana tu oma kaseko voko nabulu poso ko taukavole ko ereilo ama quli,” kiolake.

1 Koriniti 3:22

Paula melai, Apolosi melai, Pita melai; ni kiadama quli ta mata meko ikio sole; komia peuru ma peuru, ni noqola kama saevo ni voukale azo ama pakio, komia erisaṉama taku ni ko kilo ama taku.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

1 Koriniti 2:6

Melai aṉata a qaseka ko raura kama nianiio ko bazu se piza kama oqu samu kasi, melai kota pui komia peuru ma peuru ni koko lekasa poso ka kikelako nianiio, seke noqola tolailo amu.

1 Koriniti 1:27

Ako Baṉara ta o pitoemele anime komia ruqe ama peuru ma peuru kale ama maba poso sarubea mela mela kikelani tu vota o quratimo se nianiiomu, ni vota o pitoemele anime komia ruqe ama peuru ma peuru kale ama maba poso lekulekua mela mela kikelani tu vota o quratimo se piza kamu.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.