11 O ṉavi maba o ṉavi tonama auvana ko kiada ikio ko paqumuka voa maba ko kerukeru, ni omadeuvo so jari nio vo Baṉara ko Auvana ko kiada ta ko paqumuva vo Baṉara.
Melai vo Baṉara ta lula kasa o mela ika koa bazu anime voko Auvana kale. Ako voko Auvana ta kokai nianiia kiadama quli ni so jari vo Baṉara ko repaso ama vatolo poso melai kokai nianiia.
So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.
