Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.
Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.
Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,
So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.
Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.
Ako vo Karisito ko vou korosi topi ama ko Bazu ta utube ama quli noqola tolailo kale ke ziovo amu kasi, melai anime me bakiziani mela ta koa Bazu ikio ko kaseka vo Baṉara ko pizato anime kasi.
Me a lolo poso mela, pui uri tu kala ta eri kiovou, aṉata oqu salala kiovou, melai voko iruruputo poso ta pui ko kasa pueka ko oqu. Soama oqu ta maba pui kopa roveovou pakievo vo.
So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.
Ni koa rui koko piako buturuakoi ta se inio seke viqani ko bazu ni zoleilole ke koani ko. Melai kota pui ko matu saqora seko kerukeru kale, sole pui tu ko keuva. Seta ke tuvevo pueka puju ama taku, melai so keru ko zolizolito ko kueva keru, seta ke vaeka seko oqu.
So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.
So sole me, ṉe visi ni kaka poso mela, meta pizaka lojolo emo ni noqoekomo ko tuvetuve ama quli ko eṉe lula ṉe melati nianiiekikako me, eṉeko bazubazuto kale, ni so jari eṉeko rikito kale.
Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.
Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.
ako Karisito ta o soroeṉela eṉe kiadakoi tu ṉe aeriko voko bazu omadeuvo sea siama madu ta ke aerika koa bube ko uri ama tui kiadakoi jari. So inio eṉeta ṉe aerika koa bazu seke pakiziani kasi ni se noqola tolailo ke elo amu kasi.
Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.
Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.
Ni Saimone melai ota tuvevo putake; ni voko bapitaiso puilo ko tova, vota o evake Pilipi ko sipole ni vota okai matu vuzeike vo o keve keru ko aqasiele ama iruruputo ni urikato ko ereima.
ni seta ke ilusivake vo Baṉara, ni kiadama maba madu ta kemai zoleike se. Ni kiadama ṉaniu vo Lekasa Jisu ta o padoemake se ṉaniu ma ṉaniu ke liliziovini ni ke koeni ko pakio seke tuvevo puteni ko poqala kale.
