1 Koriniti 13:7 - BAṈARA KO VAIRU AMA LEVELEVEO

⁷ Seke roquanani ta pataito samu kiada keru, ni seko oqu, keru ni nodenode ta pui zara ko evako.

1 Koriniti 13:7 交叉引用

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

1 Koriniti 13:4

Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

2 Timoti 2:24

Ako vo Lekasa vo nabulu ta pui o male tu vota o aivepato sole. Melai vota o baisemou kiadamu, uri ama ni paṉao sama nianiiekato kale,

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Koriniti 9:12

Kake ta ke male tamela kovo soama tabara jaria kelo, so sole eṉeta maba matuvole ṉe male ṉela inio! Melai eṉeta pui ṉeba tamela koe koa tabara eṉe ṉe male ama. Eṉeta ṉeqa zariovi tapata elo, tu pui ṉe qorakoraemo kake eṉeko kovo kale ko tabara kai bazubazuto kale ko Uri ama Bazu.

Qelesia 6:2

Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

2 Timoti 3:11

aṉako toraeko ko naqunaquto ni aṉako tolailo sama upotuqu. Ṉota ṉobe paqumuka kiadama koko ereima quli aṉa kasi sai Anitioko, Aikoniami, ni sai Lisitara peuru poso kale, koa matu ruqe ama niumaniumato poso ko aṉa ko tolaelema! Melai vo Lekasa Jisu ta o pakiele aṉa koa kiadama tapata poso kale azo.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Hiburu 13:13

So sole animeta me vaemou seke madoekani tu kati vailo se Jiu amu ko siqasiqa, ni meqai zomanou voko qurato.

Romu 8:24

Ako koa zuato kale inio animeta me bakiovi, melai animeta lula me qoa ko quli anime me zuatikako tea, ta pui tuvevo ama zuato ikio. Ako puliala ta o zuatika ko vo lula o koako quli sole.

Maka 9:23

Nio Jisu ta eri va kiolake, “Ṉota ṉo basela aṉa tu aṉata a dauvemelou me. Melai vo maba ovai oquvo ala vo Baṉara ta kiadama quli ti olu vokasi,” kiolake.