1 Koriniti 13:4 - BAṈARA KO VAIRU AMA LEVELEVEO

⁴ Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

1 Koriniti 13:4 交叉引用

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

Epesasi 4:32

Melai meta bairumuomo ni roquekiniomo, ni odouvikiniomo me ṉavio kude, omadeuvo vo Baṉara ta o melati odouvikinie me vo Jisu Karisito kale jari.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

1 Jone 4:11

Soa matu roquemelo inio o imelani anime vo Baṉara. So sole a baerebaere poso anime melai me roquekinio muli.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

2 Pita 1:7

ni meko baisemo meko lotu tamania madu, ni ko roquano.

Epesasi 4:2

So sole meta zarazaraimo, ni baiseo ni inobe emo, ni pui taukavole me qorakoraekiniou, melai me roquekiniou muli.

2 Koriniti 6:6

Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Qelesia 5:26

Ni animeta pui me aikailou, ni pui me niumaekiniou ni pui me qonoekiniou me ṉavio kude.

1 Koriniti 4:6

A qaka ni visi poso, aṉata a rikieka komi quli a ṉavi ni Apolosi ko kaseqelako quli tu a dauvemelo me tu eqeta meko mamola jari qe elo, tu eqe kale meta me vakakatou ko bazu ko kasekako quli, eri kikolako, “Meta luluekomo ko korokoroti ama bazu poso.” Puliala ṉa ta ṉovai rauraraurailou kala maba mata kala kasi azo.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

2 Timoti 3:10

Melai ṉota lula ṉo qeveni ṉa aṉako nianiiekato, aṉako kalo, aṉako saevo kale ama zuato, aṉako oqu, aṉako inobe, aṉako roquano ni aṉako pataito,

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

1 Koriniti 3:3

Ako meta mebeta eva saevo omadeuvo komia ruqe ama peuru ma peuru ko maba poso jari sole. Ako konoilo ni me ṉavio kude aiveaivekinio ta ikoana kobeta eva me tona, ni komi quli ta kasa ko ika ko meta komia ruqe ama peuru ma peuru ko mela inio kio, me mebeta saevani mela koko saevo kale.

Iruruputo 7:9

“Ni Jekopi ko meqora poso ta kevai konoivake sevo visi Josepa ni kevai tatabaraovake kake kasi seke vati keveni Ijipi tu vota mabaku o elo sai kikelake. Melai Baṉara ta o evake vo sase,

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

1 Timoti 6:4

ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

Jemisi 4:5

Pui lipato iko ko tuveano Tabu ama Riki topi ama ko so kikolako, “Vo maba ko auvana vo Baṉara lula o vaekema anime tona ta kokai sukata ko ṉaloṉalo ama vatolo.”

1 Koriniti 4:18

Kake mela me ta lula meda raurarauraiva, ako meta so kimela, aṉata pui a qilou Koriniti soipimelole me kimela.

Romu 13:13

Animeta sidopua talio me elo ṉaniu ko zakaremu kale, pui olavoputo kale ni piza kama ju ko nozueko kale, ni pui sasave ni zata ko iruruputo kale ni ubutianiama pauvezato kale, ni pui pazokinio ma konoilo kale.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Pilipai 1:15

Tuvevo kake ta kevai bazubazuta vo Karisito seko lai konoilo ni seko lati aivekinio kale aṉa. Melai kake inio kevai bazubazuta vo Karisito ako seta uri ama vatolo samu sole.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

1 Koriniti 5:2

Koa matuma boutare ta kobeta ereiva mekasi, melai inio meta meda raurarauraivani mela! Meta me male tu komia kalo ta duki ko imelo, ni voa maba vo o erekani ko quli ta saqorivomo meko lotu qoqono kale azo.

Matiu 27:18

Ako Paelati ta obe kai uria nianiia ta seko va konoilo kale inio se Jiu amu ko tanatanamu ta ke vati keve vo Jisu vokasi sole.