1 Koriniti 13:1 - BAṈARA KO VAIRU AMA LEVELEVEO

¹ Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

1 Koriniti 13:1 交叉引用

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Romu 14:15

Ṉota tiṉoliṉoli ṉovai ikou ṉovo visi koa sailao ṉoṉo quako kale inio ṉota roquano pidea laṉa. Ṉota pui vai niumaeko voa maba koa sailao ko ṉoṉo quako vo lula Karisito ova vovini!

Matiu 25:45

Nio aṉa voa Lekasa lala ta a mati tiorikou ni eri kiavou sekasi, ‘So keru me meda va lupaovi keru tauvevo kala olaquala maba, meta meda la lupaovi inio tauvelo aṉa,’ kiavou.

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

1 Koriniti 12:16

Ni taliṉa ta esa eri kiovou, “Aṉata pui vilu lala inio, sole aṉata pui tupu kama kena lala inio.” Melai koko so kio ta pui kopa pitasikou tupu kasi azo.

Maka 16:17

Ni seke tuvevo puto amu ta Baṉara inio o katimou se ko pizato ni ke erekou aqasiele ama iruruputo. Ni seta ke rerikou ko ziolo poso aṉako ṉikale, ni seta kekai pesiovou azaazama pesio.

1 Koriniti 12:10

Vota o kativa mata kala maba aqasiele ama iruruputo ko pizato, ni mata kala ta o kativa vo Baṉara kasi azo ama bazu poso kai pesio ko pizato, ni mata kala ta o kativa ko pizato tu o nianiieko ko soama bazu poso ta Tabu ala Auvana kasi azo ko kuevako ma ziolo kasi azo ko kuevako kio. Mata kala ta o kativa kai bazuto ko pui okai nianiiako pesio poso ko pizato, ni mata kala ta o kativa ko pizato tu o rupasiko ko lula ko kaseivako koa pesio poso kale.

1 Koriniti 14:2

Ako vo o kasekani ko pui okai nianiiako pesio kale ama bazu ta pui o pesia edolomu kasi melai vo Baṉara kasi inio o pesia, ako puliala ta o paqumuka vo kiolani sole. Vota o kaseka mutamuta kama quli vo Auvana ko pizato kale.

1 Koriniti 14:4

Ako vo o pesiani maba poso pui kekai nianiiako pesio kale ta o tauveiva o ṉavi pala, melai vo okai bazutani kama vo Baṉara kasi azo ama bazu ta o rovea tauveko ko pado ama lotu qoqono sole.

1 Koriniti 14:5

Aṉata a mela zaria mea kiada mela tu meta me besiovou koa pui meqai nianiiako pesio kale, melai aṉako matuma zario ta meta me qovou koa pizato vo Baṉara kasi azo ama bazu kai bazuto ko. Voa maba vo okai pesiani ko pui ko paqumuako pesio pui o pepelikou koa pesio kikolani, tu koa pado ama lotu qoqono ta ko tauveilo, nio voa maba vo o kasekani vo Baṉara kasi azo ama bazu ta obe vai qulepa vo.

Kelokelozato 14:2

Ni aṉata a viqake kama pado kora aukale azo ama omadeuvo ko matuma tovoko zaru kale ama ko qurumo jari ama, ni au kalea paka ko seqelo jari ama. Koa kora aṉa a viqema ta se mikeo ko maba poso ke kelaeka keru seko mike poso ko kelato jaria viqoma.