So sole a visi poso, omadeu vatolo kale meta madoekomo lulueko aṉa a qavani. Ni didiemomo seke luluekani koa sidopu ama kalo, ako eṉeta kasa ṉe ika ko tuvevo ama keve ko meme lulueko ama sole.
Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.
Eṉeta ṉeda roveo nio paseko ko tauvezato mekasi, melai meko lulupato ko tauveko kale avo eṉeta soa matu iruruputo ṉe eve tu meta me luluekou koa eṉeko kalo.
Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.
