1 Koriniti 10:6 - BAṈARA KO VAIRU AMA LEVELEVEO

⁶ Kiadama ko quli ko ereima animeko taite poso kasi ta balauvato poso anime kasi, tu animeta pui viluloqu meqai elo ko ruqe ama quli, seke eveni jari.

1 Koriniti 10:6 交叉引用

Jiudi 1:7

Meta kerukeruekomo ko Sodomo ni Qomora peuru ni koko ketaketama peuru poso kale amu se sea mateana ko kalo jaria kalo ke eveni, seke pauvezateni, ni se ke ṉavio kude ke erekateni lasive amu. Seta ke tolaiva koa paito pide ama uza kale koko siqaeko ama se boutare samu, ni kota ko katimela animea kiada mela ko balauvato.

1 Koriniti 10:11

Kiadama komi quli poso koko ereima se tona ta kama uri ama balauvato ikio ko evema anime kasi, ni kota ko rikiziovi lula tu animeko bazu kaqe. Ako komia lulavo ko ereima quli ta ko zuatike vo Karisito ko tuveano, ni anime inio lula ko melai baroani mela koa tuveano sole.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

2 Pita 2:6

Ni so jari Baṉara ta mata o koqotaekake omuqa ruqe ama matu peuru Sodomo ni Qomora. Vota o siqaekake koa omuqa peuru ni pari kota evake, pulia quli ko loivake. Vota o erekake komi quli tu mamola kaqe ko elo, tu so inio ke elou se maba poso seke vati pikipikinio puto amu vo Baṉara.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

Romu 5:14

Melai vo Adami ko taku keru azo ti kobeta baroi Mosese ko taku keru ta ikoana ko vou ko pizato kiadamu tona, ti kobe mai baroi se pui vo Adami jaria sarueko kepa eveni kasi so keru vo o bikoirike keru vo Baṉara ko bazu. Adami nio kala mamola o eveni vovo tova o kuevini vo.

Hiburu 9:24

Karisito ta lula o amaqeovi aukale ni vota o lojoa erisaṉa vo Baṉara ko kuleto tu o tauvemelo anime. Vota pui opa amaqeovi maba ko erekako tabu ama tepe pade kale koko mela mamola puekako pala anime koa zae sai vo Baṉara o evakoi.