1 Jone 4:17 - BAṈARA KO VAIRU AMA LEVELEVEO

¹⁷ Ni vo Baṉara ko roquano ta ko maba puratou animeko kalo kale ta, animeta pui meba ṉalou so keru Baṉara o titizimelou keru. Animeta maba pui meba ṉalou, ako komia peuru ma peuru kale ta animeko saevo ta Karisito ko saevo jari sole.

1 Jone 4:17 交叉引用

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.

1 Jone 2:5

Melai kala vo o zoriko ala vo Baṉara ko bazu ta vo Baṉara ko roquano ta kota maba okota vo tona. So inio animeta meqai nianiia ta animeta tuvevo avole vo Baṉara ko maba madu mela.

Romu 8:29

Anime vo Baṉara lula o pitoemelani ta o edolimelake tu animeta vovo Meqora Jisu jari me elo, nio voa Meqora ta kubo tamania poso vo kaka kala Meqora o elo.

Jone 15:20

Kerukeruekomo ko lula aṉa a melai bazuekako tuvevo ama quli, ko eri kikolako, ‘Puliala nabulu inio raura kala vovo lekasa kasi azo,’ kikolako. Se lula ke niumaniumaelani aṉa ta me melai ke niumaniumaemelou, se lula ke zorikani aṉako nianiiekato ta seta ke zorikou mata meko.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

2 Pita 3:7

Ni koa omadeuma vo Baṉara ko pesio kio ko kati vaila ko erisaṉama au ni peuru ma peuru, anime mebe kai evako. Ni komia omuqa quli ta kobeta taruana tu ko siqailou uza kale. Ni kota kobeta taruanou ti kobeta barolou se Baṉara kevai keduani maba poso ke titiziovou keru ti ke ṉamuilou keru heli kale.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

Jemisi 2:22

Ṉota pui ṉoqai nianiia, kio? Voko oqu ni iruruputo poso ta omadeu ko eve, voko oqu ta okotoma ko eve voko iruruputo poso kale.

Matiu 12:36

Aṉata a bazuemela me, so keru vo Baṉara o titizimelou keru me, vota o melai titizikou me kiadama ruqe ama pesio me erekako kale.

Matiu 11:24

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaemelou me, kokai paloasou Sodomo peuru kale amu ke kovo ama koqotato,” kiolake vo Jisu.

Matiu 11:22

Tuvevo avole aṉata a bazuemela me, titizato ko ṉaniu kale vo Baṉara ta o koqotaemelou me matuvole kokai paloasou ko Taea ni Saidoni peuru kale ke evani pui Jiu amu ke kovo ama koqotato, se pui ke keani koa aqasiele ama iruruputo ko meme qeako jari ama.

Matiu 10:25

So sole vo o sikuluputani ta ota zoleilou, ruqe ke ivou ma uri kebe ivou melai, omadeuvo vovo nianiiekato ko maba ke ivani jari, ni vo nabulu ta ota zoleilou, ruqe ke ivou melai, omadeuvo vovo lekasa ke ivani jari. Sea maba poso se kelai kaikuapani aṉa inio kelai nokaeka aṉa Setani aṉa mevo odikato ko maba lala, sole me aṉako maba poso mela ta ke melai kuirikou matu ruqe ama ṉi meko kana madu.

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Jone 17:22

Aṉata lula a qatima koa omadeuma ṉaṉaidara ko ṉoṉo qatilema aṉa jari ama, tu seta omadeu ke elo omadeuvo ṉo ni aṉa ta omadeu jari.

Hiburu 9:27

Kiadama maba madu ta ke vouvou omadeu taku pala ni seko vou ko tova Baṉara ta o pitasimou se ruqe amu sidopu amu kasi azo voko titizato kale.

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.

1 Jone 3:7

A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.