25 Itani̱i̱wa oma̱a ni̱naawa, “Ki niisto̱wa nima̱tssksiniʼpa ikkamo̱kaʼpipaitapiisi, ki ikka̱msaokaʼpipaitapiisi. Kaki̱ʼtokskaawa ni̱tssksiniihpi: nitsi̱kayapsstsii, ki a̱nnohka ni̱tohko̱ttsaapi.”
O̱ki. Ki oma̱a ni̱naawa sota̱manistsiiwaiksi, “Tsi̱kohtsipisatsiʼtaki a̱a̱mohka kita̱a̱niihpoaawayihka. Ni̱tohkokka nitsa̱a̱pssini. Ki kiisto̱aawa kita̱waaniihpoaawa kima̱tsikakssksinoawaawaatsi o̱mohtoʼtoohpi.
“Anna̱a̱hkai ni̱tohkottotooka, nita̱a̱nikka, ‘Sta̱moʼtsita kisi̱ʼkaani. Sta̱miipoomatapoot.’ ”
O̱ki. Ki omi̱i̱ksi Pharisees a̱a̱ttsistainihkatsiiyaawa omi̱i ni̱nnayi na̱yaapsstsii ota̱i̱ʼpokayissi. A̱a̱nistsiiyaawayi, “O̱ki. A̱nnoohka kita̱yoohtooka A̱ʼpistotookiwa. Sota̱mokamoʼtaniit! Niisto̱nnaan nino̱o̱hkssksiniihpinnaana otoka̱ʼpipaitapiiʼssi annaahka Jesusahka.”
Otsi̱tanikkaiksi, “Tsa̱ kita̱nisttotooka? Tsa̱ kani̱stohkokka kitsa̱a̱pssini?”
