John 9:24 - Annaahk John Manistsitsinikatahpi Jesus Manistsipaitapiihpiai 1979

²⁴ O̱ki. Ki omi̱i̱ksi Pharisees a̱a̱ttsistainihkatsiiyaawa omi̱i ni̱nnayi na̱yaapsstsii ota̱i̱ʼpokayissi. A̱a̱nistsiiyaawayi, “O̱ki. A̱nnoohka kita̱yoohtooka A̱ʼpistotookiwa. Sota̱mokamoʼtaniit! Niisto̱nnaan nino̱o̱hkssksiniihpinnaana otoka̱ʼpipaitapiiʼssi annaahka Jesusahka.”

John 9:24 交叉引用

John 9:16

O̱ki. Ki a̱nnihkayii ami̱i̱ksi noohka̱ttanistapssiiksi Pharisees sota̱maniiyaawa, “Anna̱a̱hka Jesusahka ma̱taʼpaoʼtomoyiiwaatsiksi anniiska A̱ʼpistotookiiyi. Osto̱yi ma̱tanistaiʼtsi̱maatsi issiko̱piiksistsikookakihtsimaanistsi.” Kii anni̱i̱ksi istsi̱kiiksi a̱a̱niiyaawa, “Kii maka̱ʼpiipaitapiiksi ma̱taakohkottsipisataistamatstohki̱waiksi annoohka a̱nni.” Ki a̱nniai niitaya̱a̱kiitsiksimstaayaawa omi̱i̱ksi Pharisees.

John 19:6

Kii ki a̱nniayii omi̱i̱ksi ni̱naato̱yaapiikoaiksi ki a̱waatoaʼpinnakiikoaiksi a̱i̱ʼnoyiiyaawa Jesusi, a̱i̱sohkaniiyaawa, “Awo̱i̱staasa, awo̱i̱staasa.” Oma̱a Pilate sota̱manistsiiwaiksi, “Kiisto̱aawa kita̱kohkottoʼtoawaawa ka̱a̱hkawatta̱woistaahsoaayi. Niisto̱wa nima̱a̱toohkitohkoonimaahpa a̱a̱hkohtotoiʼmahpi.”

John 18:30

Oso̱tamanikkaiksi, “Ki oma̱a ni̱naawa ka̱taʼyaokaʼpitapiiwopi ma̱takitapipoʼtoannaana kiisto̱yi ka̱a̱hkitokakihtsimatahsi.”

John 16:2

Kitsi̱tsitapiihpoaawaiksi kita̱kohtsaisskookoaayaawa otsi̱tawaatsi̱moihkaahpoaawaistsi. Ki a̱kanistsiiwa oma̱a kita̱ksiʼnikkoaawawa a̱kanistsitsiihtaawa otawa̱a̱toaʼpanisttsissi ma̱a̱hkaahsitakia̱ttsaahsi A̱ʼpistotookiyi.

John 14:30

Ki kita̱i̱tama̱aksiksistssitsipssatohpoaawa. Ta̱i̱tamaakoʼta̱akka oma̱a istsi̱nawa anno̱o ksa̱a̱hkommi, oma̱a Maka̱ʼpatoʼsiwa. Ki nima̱takohkottanistaʼpayistoto̱o̱kaatsi.

John 8:49

Jesus sota̱maniiwa “Ki niisto̱wa ma̱tsitsstsiiʼpa maka̱ʼpatoʼsi nitsi̱i̱stomatai. Nitsika̱i̱naimmawa ni̱nna, ki ki isto̱aawa kima̱toohkainaimmokihpoaawa.

John 8:46

Ki̱tohkanaissksiniiʼpoaawa ma̱tsitsstsiihpa maka̱ʼpii na̱a̱hkohtotoiʼmokoyi. Ki̱maʼksaomaiʼtookihpoaissksi? Nita̱omaniiʼpoyi.

John 5:23

Osto̱yi ni̱tohkokka na̱a̱hkomatskahtoohsi manipa̱i̱tapiʼssini ki na̱a̱hkokakihtsimatahsi mata̱piiwa, kiisto̱aawa ka̱a̱hkohtainaaimmokihpoaawa. Ni̱nna kita̱waanikkoaawa ka̱a̱hkainaimmokssoaayi oosto̱yi a̱nni kanista̱i̱naaimmahpoaawayi. Takaa ni̱tohkoyimmoka. Ikka̱msawa̱i̱naimmokiinoainiki niʼto̱yi a̱kanistsiwa ka̱a̱hksawainaimmoawaawa annaahka ni̱nnahka, takaa osto̱i̱ nitsi̱tapipoʼtooka anno̱o.

John 9:25

Itani̱i̱wa oma̱a ni̱naawa, “Ki niisto̱wa nima̱tssksiniʼpa ikkamo̱kaʼpipaitapiisi, ki ikka̱msaokaʼpipaitapiisi. Kaki̱ʼtokskaawa ni̱tssksiniihpi: nitsi̱kayapsstsii, ki a̱nnohka ni̱tohko̱ttsaapi.”