10 Itani̱stsiiyaawayi, “Ki ikkama̱a̱miiniki, tsa̱ kani̱stohkottsaapihpa?”
Otsi̱tanikkaiksi, “Tsa̱ kita̱nisttotooka? Tsa̱ kani̱stohkokka kitsa̱a̱pssini?”
Ki a̱nnohka mani̱stohko̱ttsaapihpi, tsi̱naoʼksaissksiniihpinnaan. Ki nima̱tssksinoannaaninayi o̱tohkokki otsa̱a̱pssini. Sta̱msopowahtsiʼsatsisa oosto̱yi. A̱kaomahkssimma. A̱kawattsiʼpoyiiwa.”
O̱ki. Ki oma̱a i̱i̱kayaapsstsiiwa oma̱tta̱i̱sopahtsiʼsakka omi̱i̱kska Pharisees tsa̱a̱htaa a̱a̱hkanistohko̱ttsaapiiwahtaoʼtsiksi. Ki itani̱stsiiwaiksi, “I̱tstakiwa okspahko̱yi noa̱psspiksi. Niso̱tamssisskiohsi. Niso̱tamohko̱ttsaapii.”
O̱ki. Oma̱a Nicodemus sota̱maniiwa “Tsa̱a̱htaa ka̱a̱hkanistapawaaniihpahtaa.”
O̱ki. A̱nnika po̱o̱hsapoohtsika Jesus sota̱mopamaahkiohsiwa omii o̱mahksikimi Galilee (ma̱ttanistoohpa Tiberius).
Ki anni̱i̱ksi mattsstsi̱kiiksi a̱a̱niiyaawa, “A̱a. A̱nnaoʼka.” Kii anni̱i̱ksi a̱a̱niiyaawa, “Saa, ma̱tamiiwa. Iiki̱totoisapinamma.” Kii oma̱a ni̱naawa sota̱mikakawaaniiwa, “Ki nisto̱akaoʼka.”
Ki itani̱i̱wa, “Ki oma̱a̱hk a̱a̱nistawahka Jesus a̱ʼpistotakiwa okspahko̱yi ki itsi̱tsstakiwa noa̱psspiiksi ki nitsi̱tanikka, ‘Istapo̱o̱t Siloam. Istoto̱i̱ssisskiohsit.’ Ki niso̱tamitotoississkioohsi. Nisotamohko̱ttsaapi.”
