John 8:53 - Annaahk John Manistsitsinikatahpi Jesus Manistsipaitapiihpiai 1979

⁵³ Kiisto̱wa kima̱toʼtsksspipoyimawa Abraham. Osto̱yi a̱kaiʼniiwa, ki ni̱ʼtoi omiiksi a̱waatoyiʼpoyiiksi. Tsa̱ kanista̱paʼpaiksimssta̱a̱hpa ka̱a̱hamihpi!”

John 8:53 交叉引用

John 4:12

Kitsi̱stapaahko̱aahsinnoona Jacob iihpsski̱kkiwa a̱a̱mo maksi̱sskommi. Oosto̱yi a̱wattohtaottakaawa, ki niʼto̱yi ohko̱yiiksi, ki iihta̱i̱simi̱i̱piiwa ota̱potskinaamiksi. Kiisto̱wa kima̱toʼtsitsksspipoyimawa Jacob.”

John 19:7

Oso̱tamanikka omi̱i̱ksi Jews, “Kii niisto̱nnaana nitoka̱kihtsimannaani a̱naʼsiwa a̱nniai anista̱pitapiiyi a̱a̱hksiʼnitahsi, takaa a̱a̱niiwa otohkoyi̱mmi̱yissi A̱ʼpistotookiiyi.”

John 12:34

O̱ki. Omi̱i̱ksi mata̱piiksi itani̱stsiiyaawa Jesus, “Nitsi̱toohtsiihpinnaana omi̱i̱stsi nato̱i̱si̱naakssiistsi otsi̱tssi̱naissaawa ota̱akaisksipaitapiiʼsayi Aʼpistotookiwa anniiska o̱mohtakohkoikiihpiska. Ki kiisto̱wa kita̱waanikkihpinnaan kiisto̱wa a̱nnahkaoʼka annaahka Mata̱piiwahka, ki kita̱waanii kita̱ksstsinaiʼsspipoʼtookoowa. O̱ki, tsa̱a kanista̱pawaaniihpa a̱a̱mohka kiisto̱wa a̱nnahkaoʼka annaahka Mata̱piiwahka?”

John 10:33

Itsipo̱ʼtanistsiiyaawa̱yi, “Ki a̱a̱mostska ki ta̱nisttsiihpistska soka̱ʼpistska ma̱tamiiwaistsaawa kita̱kohtsisskaiʼtatohpinnaan. Iiko̱kaʼpiiwa kani̱stohtsiʼpoyihpi A̱ʼpistotookiwa. Kii iiko̱kaʼpiiwa a̱a̱mohka kanista̱i̱ʼpoyi a̱nni kiisto̱wa A̱ʼpistotooki, ki̱i̱wa kika̱a̱kitapiihpi.”

John 8:58

Jesus itani̱stsiiwaiksi, “O̱ki. Kita̱kanistohpoaawa niitsi̱i̱yi. Niisto̱wa a̱nnahkaoʼka annaahka a̱i̱sksitaisstsiiwahka; otsi̱tsaomiitaisstsiihpi Abraham nitaissksitaisstsii.”

John 5:18

A̱nnyayii a̱a̱niiwa Jesusa. Kii a̱nnihkayii omi̱i̱ksi isto̱ʼtotamaʼpssiiksi Jews iihtsi̱i̱taʼpayiikaʼkimaayaiksi ma̱a̱hksiʼniyissaiksi. A̱waaniiyaawa omiiksi ni̱naaiksi, “Jesus a̱i̱ssinnima omi̱i̱stsi issiko̱piiksistsikookakihtsimaanistsi. Ki ma̱ttsitsspiaiʼtaniiwa oto̱nnimmahsayi A̱ʼpistotookiiyi, ki a̱nniayii mi̱i̱ksistaniwa osto̱yi ota̱i̱ʼtoomanistssayi A̱ʼpistotookiiyi.” A̱nniayii iihtoki̱mmiiyaawa omiiksi isto̱ʼtotamaʼpssiksi Jews anniiska Jesusiska.