John 8:39 - Annaahk John Manistsitsinikatahpi Jesus Manistsipaitapiihpiai 1979

³⁹ O̱ki otsi̱tanikkaiksi, “No̱mohtoʼtsipaitapiihpinnaan Abraham. A̱nnahkaoʼka nita̱onnimmannaana.” Jesus itani̱stsiiwaiksi “Kito̱nnimmawaawahtopi kita̱kanistsipaitapiiyihpoaawa osto̱yi manistsi̱paitapiiyihpi.

John 8:39 交叉引用

John 8:37

Ni̱tssksiniihpa ko̱mohtsistapaahkoyipaitapiihpoaawa Abraham. Kii kitsi̱naoʼkaisstakkihpoaawa ka̱a̱hkiʼnikkssoayi. Ko̱mohtaisstakkihpoaawa ka̱a̱hksiʼnikkssoayi kitsawa̱koʼtsissoaayi nita̱a̱niihpistsi.

John 8:33

Itani̱stsiiyaawa Jesusi, “Kimaʼkanissi nita̱ksiksisstoipoʼtootsspinnaan. Ika̱nistohtakowa a̱nni kita̱waaniihpi niisto̱nnaana a̱nnikskaoʼki anni̱i̱ksiska a̱i̱sskohtaʼpoʼtakia̱ttsaaikska. Anista̱pssoʼpi Jews iihtsi̱stapaahkoyipaitapiioʼpa Abraham. Ki a̱nniai matonoawanistapssoʼpa anniiksiska a̱i̱sskohtaʼpoʼtakia̱ttsaaiksi. Nima̱tanistapsspinnaan anni̱i̱kska a̱i̱sskohtaʼpoʼtakia̱ttsaiksi. Nima̱takstsinaiʼksisstoipoʼtootsspinnaan.”

John 8:43

Kita̱kanistohpoaawa ko̱mohtsaotsistapiʼtsiihpoaayi nita̱a̱niihpistsi. Ko̱mohtsaotsistapiʼtsiihpoaayaawa ki̱tsaohkottonissoayi tanista̱pawaaniihpi.

John 8:56

Ko̱mohtsiistapaahkoyiipaitapiihpoaawa Abrahama. O̱stoyi i̱i̱ksskaʼohtsiʼtaamssiwa o̱tssksinissi nita̱kitsino̱yissi niisto̱yi a̱nnohka nitsi̱tsipaitapiihpi. Ki a̱nnoohka nika̱i̱nooka, kii i̱i̱kohtsiksimatsiʼtakiwa.”