John 8:38 - Annaahk John Manistsitsinikatahpi Jesus Manistsipaitapiihpiai 1979

³⁸ Niisto̱wa a̱nnoohka no̱mohtaiʼpoyii omi̱i̱stsi nitsini̱ʼpinnaanistsi ni̱nna. Kiisto̱aawa kita̱waanisttotsiihpoaawa kita̱a̱niyihpoaawaistsi ki̱nnoaawa.”

John 8:38 交叉引用

John 5:19

Ki a̱nnihkayii Jesus iihtani̱stsiiwaiksi anniihka o̱mohtaniihpihka “Ni̱nna ma̱ta̱o̱noaiksistaʼpoʼtaki ki a̱nnihkayii nino̱o̱hkattohtaʼpaoʼtaki i̱makssikopiiksistsikosi.” A̱a̱nistsiiwaiksi, “Nitohkoyimi̱yissi A̱ʼpistotookiwa no̱mohtanistaʼpaissi osto̱yi manista̱ʼpaisspi. Nima̱tawawattanisttotsiiʼpaatsi niisto̱wa. Osto̱yi ta̱waistama̱atsooka manista̱ʼpaisspi niʼto̱i̱ na̱a̱hkoohkattanistaʼpaissi. Ki nitsi̱tawanisttotsiiʼpi nanista̱waistamattsi̱yihpi.

John 8:44

Niʼto̱i kani̱stsspoaawa annaahka kita̱o̱nnimmawaawahka Maka̱ʼpatoʼsiwahka, ki osto̱yi a̱nnayi kitsi̱i̱ksstaahpoaawa ka̱a̱hkawanisttotsissoaayi otsitsi̱i̱htaanistsi. A̱nniika piitsisto̱yika ki a̱nnika po̱o̱hsapoohtsika osto̱yi a̱i̱ksimiʼnikkiwa. Ma̱tsitsstsiʼpa moka̱moʼtaʼpi oosto̱yi. Sayi̱i̱pitsiisi ma̱takohtsiki̱i̱waatsi. A̱nniai niitssi̱wa. I̱i̱ksayiipitsiwa. Ki sayi̱i̱pitssini iihka̱nohtoʼtsstsiiwa oosto̱yi.

John 8:41

Kiisto̱aawa annaahka kita̱o̱nnimmawaawahka ota̱waanisttsiihpi kino̱o̱hkattawanisttsiihpoaawa.” O̱ki. Sota̱manistsiiyaawa Jesusi, “Niʼtsito̱piiyi nita̱onnimmannaana. A̱ʼpistotookiwa a̱nnahkaoʼka. Ni̱niitaʼpohkoyimmokinnaana. Nima̱a̱tsamaakiipokayihpinnaana.”

John 5:30

Niisto̱wa ma̱tsitsstsiihpa nita̱kohkottawattanisttsiihpi; nanisto̱o̱htoahpi A̱ʼpistotookiwa ki a̱nniayii ta̱kanistokakihtsimaa. Nima̱taʼpaisskiihpa na̱a̱hkanisttotsissii nita̱wattsitsiihtaanistsi. Otsitsi̱i̱htaanistsi annaahka nito̱ʼtsskookahka, a̱nnistskayii nita̱wanisttotsiihpi. A̱nnihkayii kita̱kohtoʼtssksiniihpoaawa nita̱o̱kamoʼtokakihtsimaahsi.

John 14:24

O̱ki, ki oma̱a nika̱taaʼkomimmoka osto̱yi ma̱takanistaiʼtsima nita̱a̱niihpistsi. Ki a̱nnohka kito̱o̱htookihpoaawaistsi kita̱a̱nistohpoaawaistsi, nima̱tawattanistoohpiaawa; nito̱ʼtsskookahka, ni̱nnahka otsi̱ʼpoahsinaistsi.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”

John 3:32

Iihtsi̱ʼpoyiiwa otsini̱ʼpistsi kii oto̱o̱htsiihpiistsi. Kii iko̱nnatsitapiiyi otsi̱i̱imaiʼtookiiksi.

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.