John 7:33 - Annaahk John Manistsitsinikatahpi Jesus Manistsipaitapiihpiai 1979

³³ Ki a̱nniai Jesus sota̱manistsiiwa omi̱i o̱tapiʼssini “O̱ki. Kita̱kattsiʼnaksisamohpokaissiimohpoaawa, ki a̱nnika ta̱ksotamsskitapoo annaahka nito̱ʼtsskookahka. Ki a̱nniika aiʼsskito̱ʼtooyiniki annaahka nito̱ʼtsskookahka

John 7:33 交叉引用

John 16:5

Ki a̱nnohkayii ta̱ksskitapoo nito̱ʼtsskooka, ki kitsi̱naoʼksaohtsopoahtsiiʼsakkihpoaawa nita̱yaakitapoohpi.

John 13:33

O̱ki, no̱koʼsaki. Kita̱kattsiʼnaksisamohpokaʼpawaawahkaamohpoaawa, ki ta̱kitsiistapoo. Anni̱i̱hka nita̱a̱nistahpiaawa omi̱i̱ksi isto̱ʼtotamaʼpssiiksi Jews, a̱nnohkai kita̱koohkattanistohpoaawa. Kita̱kaʼpaissammokihpoaawa, ki kima̱takohkottsitoʼtoohpoaawa nita̱yaakitapoohpi.

John 17:13

Ki a̱nnohka nita̱kitapoo kiisto̱wa. A̱a̱mostska nitsi̱tanistoohpiaawa anno̱o ksa̱a̱hkommi osto̱aawa ma̱a̱hkohpistapiiʼtaamssaawa nitsi̱ʼtaamssini.

John 17:11

Nitaitamaaksistapa̱atoohpa ksa̱a̱hkommi. Niisto̱wa ta̱kitapoo kiisto̱wa. Osto̱aawai a̱kitsaakiitaʼpaissiiyaawa ksa̱a̱hkomm. A̱yo ni̱nnai. Kitsika̱toaʼpssi. Amo̱ksi a̱o̱maiʼtakiiksi isskska̱mmisaawa. Kanista̱pitapiiyihpi kani̱stsskonataʼpsspi, a̱nniayi noohkani̱stsskskammisaawa. Ki̱tohkokki na̱a̱hkaistamatstohkssi kanista̱pitapiiyihpi. Isskskammisaawa maahkohkanawanistapssaawa anni niʼtsita̱piiyi, ni̱i̱ʼtoi a̱nni kiisto̱wa ki niisto̱wa niitsi̱ʼtokskaaoʼpi.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 16:10

Niisto̱wa nita̱kitapoo ni̱nna, ki kita̱yaaksawattsinookihpoaawa. Ki a̱nniai a̱kstaminakowa otsi̱pahtsisskskaʼtsissoaayi moka̱moʼtsipaitapiʼssini manistsi̱i̱hpi.

John 14:19

Aipstsi̱ksisisamosi omi̱i̱ksi ka̱taʼyaomaiʼtakiiksi mata̱piiksi nita̱kitsawattsinookiaawa. Kiisto̱aawa kita̱kattsistaiʼnookihpoaawa. Kii niisto̱wa nita̱ksaakiipaitapiiyi, ki a̱nnihkayi kita̱kohtoohkattanipaitapiihpoaawa, kiisto̱aawa.

John 13:3

O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.

John 13:1

O̱ki. A̱i̱tamaakitoʼtsstsiiwa amo̱ya o̱mahksiksistsikoyiia otsi̱tohkanaʼpssatoohpiaawa iihtsito̱ʼtsikamotsi̱i̱piaahpiaawa Egypt issko̱o̱htsika. Ki Jesus a̱kaissksini̱ma oka̱o̱ʼtsataʼpissi otsi̱taksiistapa̱atoohpi anno̱o ksa̱a̱hkoi, ma̱a̱hksskitapoohsi o̱nni. O̱ki. Jesus iika̱komimmiiwa otsitapi̱i̱mataiksi anno̱o ksa̱a̱hkommi, ki a̱nnimayi otsopokamomi̱mmahsaiksi iihta̱i̱stamatsiiwaiksi ota̱nisttsiihpi. A̱nnohkai a̱kohtsitsinikioʼpa.

John 9:4

A̱nnohk kiisto̱nnoona a̱ksstsinaaʼnisttotsiihpiaawa amo̱stsia o̱tsstsimaahkakkihpistsi annaahka A̱ʼpistotookiwahka nito̱ʼtsskookahka, annoohk ita̱kohkottanisttotsiihpiaawa. Ma̱taksisamowa a̱kitsawattohkottanisttotsiihpiaawa. Niʼto̱i̱ mi̱i̱ksistanistsiwa koʼko̱si itsa̱watta̱kaohkottaʼpaoʼtakioʼpa.

John 14:12

Kita̱kanistohpoaawa niitsi̱i̱yi. Oma̱a nita̱o̱maiʼtooka a̱kitotoisapaʼpoʼtakiwa niisto̱i, kii ota̱ʼpoʼtsiihpistsi a̱kitoʼtsitsksskonataʼpiiyaawa niisto̱yi nita̱ʼpoʼtakssiistsi, takaa niisto̱wa nita̱ksskitapoo ni̱nna.

John 14:28

Kito̱o̱htookihpoaawa kita̱a̱nistohsoaayi nita̱ksistapoohsi, ki ta̱kitamattsskitoʼtoo kiisto̱aawa. O̱ki, ikkama̱komimmokiinoainiki, kita̱kitohtsiksimatsiʼtakihpoaawa nita̱ksskitapoohsi ni̱nna. Takaa osto̱yi ito̱ʼtsitssksspssiwa niisto̱i.

John 20:17

Jesus itani̱stsiiwa̱yi “Pina̱ttsinnokit. Nima̱tomaitapsspommo̱ohpa ni̱nna. Istapo̱o̱ta no̱mohpapiʼihpiksi na̱a̱tsikopotsiiksi. Anistsi̱saawa nita̱kitapsspommoohsi anna̱a̱hka ni̱nnaahka, anna̱a̱hka ki̱nnoaawahka. Ta̱kitapoo anna̱a̱hka nita̱waatsimoihkaamawahka, A̱ʼpistotookiwahka, anna̱a̱hka kino̱o̱hkattawaatsi̱moihkaamoaawahka.”