3 Jesus otsi̱tanikka o̱mohpapiʼihpiksi, “Sta̱momatapoota. Istapoota Judea. A̱nnimayi omi̱i̱ksiska kita̱i̱ssksinima̱atsaaiksi a̱koʼtsitskakaitapiiyi ini̱miiksi kipi̱ʼkanisttsissiistsi.
A̱nniai a̱a̱niiyaiksi o̱mohpapiʼihpiiksi. Osto̱waawayi ono̱o̱hkattsawa̱akomaiʼtookaiksi, ki̱i̱wa otohpapiyi̱mmahpiaiksi.
O̱ki. Ota̱i̱ʼksistsisstsiwakatoohsaawa a̱a̱mostska ami̱i̱ksi Jesus ota̱i̱ssksinimaatsaaiksi iihpo̱ʼkiiwo̱oyiiksi aka̱i̱tapiiyi itani̱i̱ksi “Iko̱kaʼpohtakoyi a̱a̱mostska otani̱ssiistsi. Ma̱toohkohkottsisstsiwakatoʼpaistsi.”
Ki a̱nniayii omi̱i̱ksi ota̱i̱ssksinimaatsaaiksi iihpo̱ʼkiiooyiksi itaka̱i̱tapiiyi iimata̱pssksiistapooyiiksi. Itsa̱wattomaiʼtakiiyaawa.
Ikka̱msstainiki ka̱a̱hksaaʼtaʼssi kita̱kohkottsaitanissttotsiihpiaawa otsi̱tonnatsitapiihpi. A̱a̱mostsi kita̱waanisttotsiihpiaawa. Kii a̱nnohkayii kita̱kohkottaistamaatsaaya mata̱piiwa kanistapsspi.”
