29 Niisto̱wa ni̱tssksinoaawa, takaa osto̱yi no̱mohtoʼtoo. Ki nito̱ʼtsskooka.”
Kiisto̱aawa kima̱tomaikakssksinoawaawa. Niisto̱wa nino̱o̱hkssksinoaawa. Nita̱a̱niihtopi nitsawa̱i̱ssksinoahsi nita̱a̱ksayiipitsi, a̱nni kiisto̱aawa kanista̱i̱sayiipitsspoaawayi. Ki nino̱o̱hkssksinoawa, ki nitanista̱i̱ʼtoawa ota̱a̱niihpistsi.
Kansitsi̱poohsapsskookihpi anno̱o ksa̱a̱hkommi, niiʼto̱i̱ nanistsi̱tsspisskoaayaawa ksa̱a̱hkommi.
Nima̱tawaaniihpa otsi̱tsstsissi mata̱pii oka̱i̱noahsi ni̱nni. Niisto̱wa no̱mohtoʼtoowa A̱ʼpistotookiwa. Nini̱ʼtsitapii nitsinoa̱wa.
Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.
O̱ki. Jesus issksini̱nima otohko̱yissi o̱nni A̱ʼpistotookiiyi kana̱ʼpaisiistsi, ki issksini̱ma o̱mohtoʼtoohsi A̱ʼpistotookiiyi ki ota̱yaaksskitapoohsayi.
