John 7:16 - Annaahk John Manistsitsinikatahpi Jesus Manistsipaitapiihpiai 1979

¹⁶ Jesus sota̱manistsiiwaiksi, Nima̱tohtaissksinima̱atstohkihpa niisto̱wa niksi̱msstaanistsi. Annaahka A̱ʼpistotookiwahka, nito̱ʼtsskookahka a̱nnahkaoʼka o̱mohtoʼtsstsiihpiaawa nitssksini̱maatstohkssiistsi.

John 7:16 交叉引用

John 14:24

O̱ki, ki oma̱a nika̱taaʼkomimmoka osto̱yi ma̱takanistaiʼtsima nita̱a̱niihpistsi. Ki a̱nnohka kito̱o̱htookihpoaawaistsi kita̱a̱nistohpoaawaistsi, nima̱tawattanistoohpiaawa; nito̱ʼtsskookahka, ni̱nnahka otsi̱ʼpoahsinaistsi.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 17:8

Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 5:30

Niisto̱wa ma̱tsitsstsiihpa nita̱kohkottawattanisttsiihpi; nanisto̱o̱htoahpi A̱ʼpistotookiwa ki a̱nniayii ta̱kanistokakihtsimaa. Nima̱taʼpaisskiihpa na̱a̱hkanisttotsissii nita̱wattsitsiihtaanistsi. Otsitsi̱i̱htaanistsi annaahka nito̱ʼtsskookahka, a̱nnistskayii nita̱wanisttotsiihpi. A̱nnihkayii kita̱kohtoʼtssksiniihpoaawa nita̱o̱kamoʼtokakihtsimaahsi.

John 17:14

Nita̱a̱nistayaawa kita̱a̱niihpi ki otsi̱kaimmokoaawa ka̱taʼyaomaiʼtakiiksi. Ma̱tsitaoʼtssiwaiksi ka̱taʼyaomaiʼtakiiksi, niʼto̱i̱ niisto̱wa nani̱stsayitoʼtsspi ka̱taʼyaomaiʼtakiiksi. Ki a̱nnihkayii o̱mohtsi̱kaimmokoaawaiksi.

John 8:28

Ki a̱nnihkayi Jesus iihtani̱stsiiwaiksi, “Niisto a̱nnaoʼka annaahka Mata̱piiwahka. Kiisto̱aawa aiʼsspipipo̱ʼtookiinoainiki ki a̱nnikayii kita̱kitssksiniʼpoaawa niisto̱akaoʼka. Kii ma̱tsitsstsiihpa nita̱wattanisttotsiihpi. Nika̱ksaanistoohpiaawa nita̱i̱ssksinimaatsiyihpi ni̱nna.

John 3:11

Kita̱kanisto niitsi̱i̱yi. Niisto̱nnaan no̱mohta̱i̱ʼpoyiihpinnaan ni̱tssksiniihpinnaanistsi kii nita̱i̱tsinikatoohpinnaan nitsini̱i̱hpinnaanistsi, ki kiisto̱aawa kima̱taisskaakomaiʼtookihpinnaan nita̱waaniihpinnaanistsi.

John 6:44

Kima̱takohkottomaiʼtookihpoaawa ikka̱msawanistaiksimstattsiinoainiki ni̱nna ka̱a̱hkomaiʼtakssoaayi. Ki omi̱i̱ksi ta̱o̱maiʼtookiksi nita̱kssksipoa̱aa̱ttsaayaawa aa̱oʼtsstsiisi sako̱o̱yiksistsikoyi.

John 3:31

O̱ki. Anna̱a̱hka iihto̱ʼtoowahk ispo̱o̱htsi, osto̱yi iihkana̱i̱sspipoyisskohtoyiiwa mata̱piiyi. Mata̱piwa a̱i̱kakitsipaitapiiwaʼsiwa anno̱o̱ ksa̱a̱hkommi. A̱i̱kakohkottohtaitsinikiwa manista̱ʼpaisiihpi anno̱o ksa̱a̱hkomi. Anna̱a̱hka iihto̱ʼtoowahka isspo̱o̱hts i osto̱yi iihkana̱i̱sspipoyisskohtoyiiwa mata̱piiyi.