66 Ki a̱nniayii omi̱i̱ksi ota̱i̱ssksinimaatsaaiksi iihpo̱ʼkiiooyiksi itaka̱i̱tapiiyi iimata̱pssksiistapooyiiksi. Itsa̱wattomaiʼtakiiyaawa.
O̱ki. Ota̱i̱ʼksistsisstsiwakatoohsaawa a̱a̱mostska ami̱i̱ksi Jesus ota̱i̱ssksinimaatsaaiksi iihpo̱ʼkiiwo̱oyiiksi aka̱i̱tapiiyi itani̱i̱ksi “Iko̱kaʼpohtakoyi a̱a̱mostska otani̱ssiistsi. Ma̱toohkohkottsisstsiwakatoʼpaistsi.”
O̱ki. Ki a̱nnika oma̱a Jesus ma̱tta̱i̱sitsipssatsiiwa omiiksi otsi̱i̱maiʼtookiksi Jews. A̱a̱nistsiiwa̱i̱ksi “Ikkami̱i̱taʼpomaiʼtookiinoainiki, kita̱kitanisttotsiihpoaawa nita̱a̱niihpi.
Kii kiisto̱aawa itsstsi̱i̱hpa nima̱tomaiʼtookaiksaawa.” A̱a̱mohka oma̱a Jesus iihtani̱i̱iwa otsi̱tsikayissksinissi anniihka otsi̱stsitsaomatapoohsi anni̱i̱ksi ka̱taʼyaomaiʼtakiiksi, kii ma̱ttssksinoyiiwa anni̱i̱ska ota̱ksisimioma̱tskaokiska.
Jesus otsi̱tanikka o̱mohpapiʼihpiksi, “Sta̱momatapoota. Istapoota Judea. A̱nnimayi omi̱i̱ksiska kita̱i̱ssksinima̱atsaaiksi a̱koʼtsitskakaitapiiyi ini̱miiksi kipi̱ʼkanisttsissiistsi.
