John 6:5 - Annaahk John Manistsitsinikatahpi Jesus Manistsipaitapiihpiai 1979

⁵ O̱ki. Oma̱a Jesus sota̱mssapiwa. Sota̱minoyiiwa niita̱ʼpakaitapiiyi otsipo̱o̱hsapoohsaawa. Kii itani̱stsiiwa omi̱i Philip, “Ma̱tsitsstsiihpa a̱a̱hkitohpommaaoʼsi ma̱a̱hkitotoisapanistsoohpi a̱a̱hkohtsiisoahpiaawa amo̱o̱ksi. A̱koohksikioʼpa?”

John 6:5 交叉引用

John 4:35

Kitsi̱pahtsiiksimsstaahpoaawa ma̱takstsinaoʼniʼtsi̱i̱hpa kita̱ʼpoʼtakssinnooni. Kanistsi̱ksimsstaahpoaawa, a̱kstsinaʼyoohkimaaoʼpa a̱nni ainsi̱maayi ma̱nsapipommaayi. A̱kstsinaʼyookimaawa niisoyi̱mmi naato̱ʼsi. A̱kitsi̱pohkimaawa. Kita̱ʼpoʼtakssinnooni a̱nni ma̱a̱tanistsi̱i̱waatsi. Issa̱mmoka o̱o̱miiksika mata̱piiksika a̱i̱stawaawahkaaiksika. Niʼto̱yi niitssi̱i̱yaawa a̱nni naapayi̱i̱ninssimaani a̱kaiʼtsiiyi. Iksi̱kkamo manistsi̱ksistaʼpsspiaawa ksisto̱nnoona a̱a̱hkitomoipiaahsaawa. Kita̱ʼpoʼtakssoaayi a̱kaomatsstsiiwa.

John 1:43

O̱ki. A̱nnia mattsiksi̱stsikoi Jesus itani̱stsitsiihtaawa ma̱a̱hkitapoohsi Galilee. Itohko̱o̱noyiiwa anniska Philipisk. Itani̱stsiiwayi, “Oki̱h. Po̱ʼkiioot.”

John 1:44

(Oma̱a Philip itoko̱yiiwa omii aka̱i̱tapissko i Bethsaida, ni̱ʼtoyi omi̱i Andrew kii Peter.)

John 1:45

Oma̱a Philip itota̱ʼpssammiwa Nathanael. Itohko̱onoyiiwayi. A̱a̱nistsiiwayi, “O̱ki. Annaahka Mosesahk anniska otsi̱kayissiinapsskoayiska, niisto̱nnaana ni̱tohkoissksinoannaaninayi. A̱nniskaoʼkinayi anniska otsi̱kayissiinapsskohkatawawayiska omiiksi a̱waatoyiʼpoyiiksi issko̱o̱htsika. A̱nnaoʼka oma̱a Jesus. Itsista̱waʼsiwa Nazareth. Oma̱a Joseph, ohko̱ayi.”

John 1:46

Nathanaela sota̱msayiʼtakiwa. Itani̱stsiiwa Philipi “Nanistsi̱ksimssta Nazareth a̱a̱hkstaiʼsayikakitsstsiihpa a̱a̱hkohtoʼtsstsii noohkso̱kaʼpii.” Kii Philip itsska̱nistsiiwayi, “Awa̱ttsipoohsotoohkoissksinoosa.”

John 1:48

Nathanael itani̱stsiiwa Jesus, “Tsa̱ kino̱ohkanistohkoissksinookihpa.” Jesus i tani̱i̱wa “Kitsi̱tsinoo anniihka kitsi̱tsitsistaahtaopiihpi omaam miistsi̱sa. Apssi̱yiistsisa. Kitsi̱tsinoo anniihk kitsi̱tsaomainihka̱yihpihka anna̱a Philip.”