John 6:39 - Annaahk John Manistsitsinikatahpi Jesus Manistsipaitapiihpiai 1979

³⁹ Ki osto̱yi niitsitsi̱i̱htatsiiwa ami̱i̱ksi ni̱tohkoyihpiksi mata̱piiksi ma̱a̱hksaiʼtsstsissi nita̱aʼtsaai. Ki nita̱kitohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoi. A̱nnistskaoʼkiaawa otsitsi̱i̱htaanistsi nito̱ʼtsskooka A̱ʼpistotookiwa.

John 6:39 交叉引用

John 17:12

Nitsi̱tsakiohpokaʼpaissiimahpiaawa no̱mohtsitotoitsikatayaawa kitsskona̱taʼpssini, ki̱tohkokkihpi. Ki̱tohkokki na̱a̱hkaistamatstohkatoohsi kitsskona̱taʼpssini. No̱mohtsitotoitsikatayaawa, ki itsa̱yitaisstsiihpa na̱a̱hkaatsaai; nika̱kaatsaawa oma̱a a̱yaakaatsaawa, oma̱a Judas. Naato̱i̱sinaakiaʼtsisi itsi̱kayissiinaapsskohkatoohpa a̱akaatsaawa, ki a̱nnihkayii iihta̱a̱tsaawa.

John 6:40

Takaa niitsitsi̱i̱htaawa ni̱nna A̱ʼpistotookiwa ami̱i̱ksiska ta̱o̱nookiiksi ta̱mssi anniska ohko̱yi ikkamo̱maiʼtootsiinikiaawa a̱kitoʼtsimiaawa a̱i̱ssksipaitapiiʼssini. Ki nita̱kohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoyi.”

John 18:9

Annihka ota̱a̱ʼtsimoihkaahsi Jesus itani̱stsiiwa o̱nni “A̱a̱mokska ki̱tohkokkihpikska, ma̱a̱tsitsinsstsiihpa na̱a̱hkaaʼtsai.” Amoohka otani̱ssi Jesus, a̱nnihkayi iihtani̱stsiiwa ami̱i̱ksi a̱wawahkaoʼtsiiksi, “Amo̱ksi poʼto̱o̱kaawa.”

John 6:54

Iihka̱nohtaoyiiksi nosto̱mi, iihtssi̱miiksi nitsa̱a̱pani a̱kohtoʼtsimiaawa a̱i̱sksipaitapiiʼssini. Kii aa̱oʼtsstsiisi sako̱o̱yiiksistsikoyi nita̱kitssksipoa̱aa̱ttsaayaawa.

John 6:44

Kima̱takohkottomaiʼtookihpoaawa ikka̱msawanistaiksimstattsiinoainiki ni̱nna ka̱a̱hkomaiʼtakssoaayi. Ki omi̱i̱ksi ta̱o̱maiʼtookiksi nita̱kssksipoa̱aa̱ttsaayaawa aa̱oʼtsstsiisi sako̱o̱yiksistsikoyi.

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 12:48

Kii omi̱i̱ksi ni̱tsstsimimmokiiksi ka̱taoʼtsimiksi nita̱a̱niihpistsi, iitsstsi̱i̱ihpa a̱kohpokakihtsimatayaawa. Nita̱a̱niihpistsi, a̱nnihkaoʼka a̱kohpokakihtsimatayaawa aa̱o̱ʼtsstsiisi saako̱o̱yiiksistsikoi.

John 5:28

Kii pinohtsi̱pisatsiʼtakik a̱a̱mohka nita̱waaniihpihka. I̱ssoohtsika iʼni̱i̱ksi itoya̱aksstsaaiksi nita̱kohkanayoohtookiaawa nitaiʼpoyissi.

John 17:2

Takaa kika̱o̱hkokki na̱a̱hkitohkaninawaʼsi mata̱piiwa, omi̱i̱ksi ko̱mohtsspiohkokkihpiksi o̱tapiʼssini na̱a̱hkitohkanaohkotahsaawa a̱i̱sksipaitapiiʼssini.

John 17:6

Omi̱i̱ksi kitsi̱tohkokkihpiksi anno̱o istsitapi̱i̱ksi ksa̱a̱hkommi nita̱i̱stamatsaayaawa kiisto̱wa kanista̱pitapiiyihpi. Kiisto̱wa kitsina̱a̱natayaawa, kii niisto̱wa kitohkokkiaawa, ki sota̱manistsiʼtsimiaawa kitsi̱i̱ʼpoahsini.

John 17:9

A̱nnikskaoʼkiaawa nita̱waatsi̱moihkaahtamoayaawa. Ka̱taʼyaomaiʼtakiiksi nima̱tawaatsimoihkaahtamoayaawa. Ta̱waatsimoihkaahtamoayi a̱a̱mokska ki̱tohkokkihpiksi. Kitsina̱a̱niaawa.

John 17:24

Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.