John 6:27 - Annaahk John Manistsitsinikatahpi Jesus Manistsipaitapiihpiai 1979

²⁷ Ko̱mohtaiyikaʼkimaahpoaawa ka̱a̱hkattohko̱yissoaayi. Anni̱i̱hka aa̱oahsinihka amohka kita̱i̱ksimsstatoohpoaayihka ma̱taksisamaisstsiiwaatsi. Ki itsstsi̱i̱hpa a̱ka̱i̱ssksitaisstsiʼpa. Itoto̱i̱sapiwa a̱nni aa̱owahsi. A̱kohtoʼtaissksipaitapiioʼpa. A̱nnihkayi kita̱kohkottohtsiiyikaʼkimaahpoaawa. Ni̱i̱stoakaoʼka annaahka Mata̱piiwahka. Kita̱kohkottohkotohpoaawa amoohka a̱kohtoʼtaissksipaitapiioʼpihka. Ki ni̱nna A̱ʼpistotookiwa kika̱waistamatsookoaawa nita̱ʼpaoʼtomoahsi.”

John 6:27 交叉引用

John 6:54

Iihka̱nohtaoyiiksi nosto̱mi, iihtssi̱miiksi nitsa̱a̱pani a̱kohtoʼtsimiaawa a̱i̱sksipaitapiiʼssini. Kii aa̱oʼtsstsiisi sako̱o̱yiiksistsikoyi nita̱kitssksipoa̱aa̱ttsaayaawa.

John 6:40

Takaa niitsitsi̱i̱htaawa ni̱nna A̱ʼpistotookiwa ami̱i̱ksiska ta̱o̱nookiiksi ta̱mssi anniska ohko̱yi ikkamo̱maiʼtootsiinikiaawa a̱kitoʼtsimiaawa a̱i̱ssksipaitapiiʼssini. Ki nita̱kohkanaissksipoa̱aa̱ttsaayaawa aa̱oʼtsstsiisi sako̱o̱yiksistsikoyi.”

John 10:28

Ki ni̱tohkotayaawa ma̱a̱hkaissksipaitapiiʼssaawa. Ma̱tako̱noaiʼniiwaiksi. Ki ma̱takitsstsiihpa nito̱ʼtomookiaiksi.

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 17:2

Takaa kika̱o̱hkokki na̱a̱hkitohkaninawaʼsi mata̱piiwa, omi̱i̱ksi ko̱mohtsspiohkokkihpiksi o̱tapiʼssini na̱a̱hkitohkanaohkotahsaawa a̱i̱sksipaitapiiʼssini.

John 6:58

O̱ki anniihka no̱mohtaiʼpoyihpihka napayi̱i̱nihka iihto̱ʼtsainniihkahtoʼpihka isspo̱o̱htsi, ma̱tsiʼto̱manistapiiwa na̱i̱pisatsiisoahpiaawa kitsi̱i̱stapaahsowaahsoaawaiksi. Iiʼni̱i̱yaawa ki̱i̱wa o̱mohtsoyihpiaawa. A̱nnohka omi̱i̱ksi iihtso̱yiiksi amoohka napayi̱nihka no̱mohtaiʼpoyihpihka a̱ksao̱noaissiksipaitapiiyaawa.”

John 3:33

Kii omi̱i̱ksi iima̱i̱ oyiiksi a̱kaawaanistoomiaawa otssksini̱ssaawa a̱isksa̱omaniiyinai omi̱i A̱ʼpistotookiiyi.

John 6:68

Otsi̱tanikka ami̱i Simon Peter, “Nitsi̱naaimi. Ma̱tsitsstsiihpa noohki̱tssimmi na̱a̱hkomaiʼtoannaani. Kiisto̱wa kini̱ʼtsitapiiyi a̱i̱sksipaitapiiʼssini iihto̱ʼtsstsiiwa kita̱nissini.

John 15:24

Nitsi̱tsspianisttsiihpistsi o̱tapiʼssina, ma̱tonoaitsstsiihpa noohki̱i̱tssimmi a̱nni a̱a̱hkanisttsi. Nika̱taaʼnisttotsiihtopiaawa ma̱takohtotoiʼma̱waiksaawa maka̱ʼpii. Ki nita̱nisttotsiihpiaawa, ki a̱nnohkayii nitsino̱o̱kiaawa, ki nimi̱skitsi̱kaimmokiaawa, kii ni̱nni.

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 11:42

Nisto̱wa ni̱tssksiniihpa kita̱i̱ssksayisstsiwokssi. A̱a̱mohka ko̱mohtanisto a̱a̱moksi na̱o̱ʼtsipoyiiksi mata̱piiksi ma̱a̱hkitoohtsissaawa, ma̱a̱hkohtsitomatapomaiʼtsissaawa kiisto̱wa kito̱ʼtsskokssi.”

John 8:18

O̱ki nisto̱wa nita̱i̱ʼpoatomoohsi kii anna̱a̱hka nito̱ʼtsskookahka ni̱nnahka nino̱o̱hkattaiʼpoatomooka.”

John 3:15

Ki a̱nnihkayii omi̱i̱ksi ni̱tohkanaomaiʼtookiiksi a̱kitohkotayaawa a̱i̱ssksipaitapiʼsini aoʼma̱i̱ʼtootsiinikiaawa.”

John 6:47

O̱ki. Kita̱kanistohpoaawa niitsi̱i̱yi. Iihkana̱o̱maiʼtakiiksi a̱kaiksistohkotayaawa amoohka a̱i̱ssksipaitapiiʼssinihka.

John 6:53

Kii a̱nnihkayii Jesus iihtani̱stsiiwaiksi, “Kitakaokamoʼtanistohpoaawa. Niisto̱wakaoʼka annaahka Mata̱piiwahka. Saohtso̱yiinoaainiki noosto̱mi, kii nitsa̱a̱pani saohtssi̱miinoainiki kima̱tsiitaʼpipaitapiyihpoaawa.

John 6:62

O̱ki, tsa̱ kita̱kanistsiʼtakihpoaawa ikkami̱nookiinoainiki aiʼsskita̱psspomma̱oyiniki omiima no̱mohtoʼtoohpi. Niisto̱akaoʼka annaahka Mata̱piiwahka.