John 5:21 - Annaahk John Manistsitsinikatahpi Jesus Manistsipaitapiihpiai 1979

^21-22 Na̱toʼkai nita̱ʼpsskonataʼpistsi nitsi̱tssta̱yihpistsi na̱a̱hkanisttotsissi. Nita̱kanikka na̱a̱hkanipaitapia̱ttsaahsi mata̱piiwa, ki nita̱kanikka na̱a̱hkokakihtsimatahsi mata̱piiwa. Ṉinna, osto̱yi a̱i̱ssksipoa̱aa̱ttsiiwa a̱kaiʼniiksi, ki a̱kattsskohkotsiiwaiksi niipa̱i̱tapiʼssini. Kii niisto̱wa, ta̱koohkattomatskahtaki manipa̱i̱tapiʼssini. Ni̱tsstatawa ta̱kohkotawa. Takaa nito̱nnimmawa A̱ʼpistotookiwa, kii a̱nnihkayii no̱mohtanistaʼpaissi osto̱yi manista̱ʼpaisspi. O̱ki. Ki ni̱tohkokka na̱a̱hkokakihtsimatahsi mata̱piiwa. Osto̱yi ma̱takokakihtsimatsiiwaatsi mata̱piiksi. Niisto a̱nnahkayii ta̱kokakihtsimaa.

John 5:21 交叉引用

John 11:25

Jesus sota̱manistsiiwayi, “Ki niisto̱ahkaoʼka o̱mohtoʼtsstsiihpi issksipoa̱aohsini, ki niipa̱i̱tapiiʼssini. Nita̱o̱maiʼtookiiksi iimaksi̱kaiʼniisaawa a̱ksakiipaitapiiyaawa.

John 17:2

Takaa kika̱o̱hkokki na̱a̱hkitohkaninawaʼsi mata̱piiwa, omi̱i̱ksi ko̱mohtsspiohkokkihpiksi o̱tapiʼssini na̱a̱hkitohkanaohkotahsaawa a̱i̱sksipaitapiiʼssini.

John 6:63

Natowo̱ttaka a̱nnahkayii a̱kohkottohkokkiwa manipa̱i̱tapiʼssini. Oma̱a ka̱taohkotawa manipa̱i̱tapiʼssini opa̱i̱tapiʼssini ma̱tohpanioʼpaatsi. Natowo̱ttaka iihta̱yissitapiiwa nitsi̱ʼpoahsistsi, a̱a̱mostska kita̱waanistohpoaawaistska. A̱a̱mostska nitsi̱ʼpoahsistska a̱nnistskayi iihta̱o̱hkotsiiwa mata̱piiyi manipa̱i̱tapiʼssini.