8 (Ki oma̱a Jesus otohpoko̱omokiksi oma̱nikapiimiksi ma̱tsitaʼpaitapiiwaiks. I̱i̱kaisstsooto̱owahsoohpommaayaawa.)
O̱ki. Kii omi̱i̱ksi istsitapi̱i̱ksi Samaria a̱nni aka̱i̱tapisskoyii ita̱o̱piiksi, itaka̱i̱tapiiyi iima̱i̱ʼtoyiiksi Jesus. Iihtoma̱i̱ʼtakiiyaawa omi̱i aaki̱i̱yi ota̱nissayi “Nita̱nikka ni̱tohkanawanisttsissiistsi.”
Otsaoma̱i̱kiʼtawa̱atoohsi amii ksa̱a̱hkoyi, Samaria, itsito̱ʼtoowa omii aka̱i̱tapisskowa Sychar. Istaka̱i̱tapisskowa Samaria. Ito̱ʼtsatsstsiiwa omii ksa̱a̱hkoi Jacob o̱tohkotahpi ohko̱yi Joseph.
O̱ki. A̱nnayii ito̱ʼtoowa oma̱a aaki̱i̱wa. Ista̱a̱kiiwa Samaria. Ito̱ʼtota̱akisiwa. Otsi̱tanikka omi̱i Jesus, “Noohko̱ttakookit.”
O̱ki. Ki a̱nnimayii itssko̱ʼtapsstsisooyaawa Jesus oma̱nikapiimiksii. Iiksi̱pisatsimmiiyaawa anniiska Jesus ota̱i̱ʼpoatahsi aaki̱i̱yi. Ki ina̱o̱ʼksawaniiyaawa, “tsa̱ anista̱piwa ko̱mohtaiʼpoyihpa” ki “kima̱ʼka̱i̱sitsipssatahsi.”
