5 Otsaoma̱i̱kiʼtawa̱atoohsi amii ksa̱a̱hkoyi, Samaria, itsito̱ʼtoowa omii aka̱i̱tapisskowa Sychar. Istaka̱i̱tapisskowa Samaria. Ito̱ʼtsatsstsiiwa omii ksa̱a̱hkoi Jacob o̱tohkotahpi ohko̱yi Joseph.
Kitsi̱stapaahko̱aahsinnoona Jacob iihpsski̱kkiwa a̱a̱mo maksi̱sskommi. Oosto̱yi a̱wattohtaottakaawa, ki niʼto̱yi ohko̱yiiksi, ki iihta̱i̱simi̱i̱piiwa ota̱potskinaamiksi. Kiisto̱wa kima̱toʼtsitsksspipoyimawa Jacob.”
O̱o̱mayii ata̱nakioksi̱skomma. Niitsi̱nihkatoohpa Jacob otoksi̱skommiima. Kii a̱nnaoʼka oma̱a Jesus ito̱ʼtssiko̱piiwa omii maksi̱sskommi. Sta̱mitssistsikaatooma ota̱wattoohsini. A̱ahki̱kaihtatsikawa.
(Ki oma̱a Jesus otohpoko̱omokiksi oma̱nikapiimiksi ma̱tsitaʼpaitapiiwaiks. I̱i̱kaisstsooto̱owahsoohpommaayaawa.)
O̱ki. Kii omi̱i̱ksi istsitapi̱i̱ksi Samaria a̱nni aka̱i̱tapisskoyii ita̱o̱piiksi, itaka̱i̱tapiiyi iima̱i̱ʼtoyiiksi Jesus. Iihtoma̱i̱ʼtakiiyaawa omi̱i aaki̱i̱yi ota̱nissayi “Nita̱nikka ni̱tohkanawanisttsissiistsi.”
