John 4:31 - Annaahk John Manistsitsinikatahpi Jesus Manistsipaitapiihpiai 1979

³¹ O̱ki. O̱o̱miksimaoʼkiawa Jesus oma̱nikapiimiksi ota̱waanikkaiksi, “A̱i̱ssksinimaatstohki, kita̱koohki̱i̱tsoyi.”

John 4:31 交叉引用

John 1:38

Ki oma̱a Jesus ito̱ʼtakaoowa. Itsino̱yiiwaiksi otohpo̱ʼkiawaawahkaanaiksi. Itani̱stsiiwaiksi, “O̱ki tsa̱ anista̱piwa kita̱ʼpaissapihpoaawa?” Sota̱maniiyaawa “O̱ki Rabbi. Ta̱i̱sstaahpinnaan na̱a̱hkssksinissinnaani kitsi̱taopiihpi.” (O̱ki a̱a̱mohka “Rabbi” anista̱panioʼsina “a̱i̱ssksinimaatstohki.”)

John 1:49

Nathanael ota̱ʼyoohtoahsi sota̱mipisatsiʼtakiwa. Ka̱a̱tanistsiiwa Jesusi “A̱i̱ssksinimaatstohki. Kiisto̱wa a̱nniskaoʼkinayi A̱ʼpistotookiwa ohko̱yi. Kiisto a̱nnayii kita̱kitsinawaʼsi Israel.”

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 3:26

Sota̱mitapo̱oyaawa Johni. Sota̱manistsiiyaawa̱yi omohtsawa̱a̱hsiʼtakssi anniska Jesus. Itani̱i̱yaawa, “O̱ki. Anna̱a̱hka ni̱naawahka kitsi̱tohpoksipoyiimokahka omii mi̱i̱stapinnaapoohtsi omii niyi̱tahtai, Jordan, a̱nnahkaoʼka annaahka kitsi̱ʼpoatomoawahka. Osto̱yi a̱nnoohka noohka̱ttawaatoaʼpistotakiwa kii kana̱i̱tapiiyi ai̱tapo̱oyinai.”

John 4:30

Kii o̱o̱mikskaoʼkiaawa itoma̱tapsaʼkapo̱o̱yaawa. A̱i̱ʼtapo̱oyaawa Jesus.

John 4:32

Kii itani̱stsiiwaiksi, “Nika̱a̱oyi. Kiisto̱aawa kima̱tssksiniihpoaawa naani̱stsoyihpi.”

John 6:25

O̱ki. Ki a̱ʼohkonoyiiyaawayi. A̱nnimai apa̱moohtsi omii o̱mahksikimi itohko̱onoyiiyaawayi ki a̱a̱ʼnistsiiyaawayi “Oma̱a a̱i̱ssksinimaatstohki tsa̱ anistsi̱i kitsi̱toʼtoohpa.”

John 9:2

Jesus oso̱tamanikka oma̱nikapiimiksi, “Oma̱a a̱i̱ssksinimaatstohki. O̱o̱ma na̱a̱psstsiiwa, tsika̱a osao̱mmitsipaitapiʼssini iihtani̱stsipokaayi̱waatsi. Ka̱taʼohtanistsipokaayiwaatsi o̱nni ki oksi̱sstsi osao̱mmitsipaitapiiʼssoaawa kia̱ya oosto̱i ota̱wattsaommitsipaitapiʼssini?”

John 11:8

Ki ota̱a̱nikkaiksi, “A̱i̱ssksinimaatstohki, o̱o̱miksi isto̱ʼtotamaʼpssiiksi Jews kima̱nssakohtoohsi̱nookiaawa o̱o̱hkotoki. A̱nnohka kika̱taʼyaaksskitapoohpa?”