John 4:29 - Annaahk John Manistsitsinikatahpi Jesus Manistsipaitapiihpiai 1979

²⁹ “Oki̱h. A̱a̱hkonotoinoa̱wa anna̱a̱hkayii ni̱naawa. Nita̱a̱nikka ni̱tohkanawa̱nisttsiihpists. A̱a̱hkstaʼmiiwahtaoʼtsinayi A̱ʼpistotookiwa anniiska o̱mohtakohkoikiihpiska.”

John 4:29 交叉引用

John 4:25

O̱ki. Oma̱a aaki̱i̱wa sota̱maniiwa. “Ki ni̱tssksiniihpa A̱ʼpistotookiwa anniisk o̱mohtakohkoikiihpiska a̱akoʼto̱oyinai.” (O̱ki oma̱a aaki̱i̱wa a̱a̱niiwa, A̱ʼpistotookiwa anniiska o̱mohtakohkoikiihpiska, ki a̱amo niʼtoi anistapanioʼsina “Christ”.) Itani̱i̱wa oma̱a aaki̱i̱wa, “Osto̱yi a̱koʼtooyinai, kii aa̱o̱ʼto̱osayi a̱kohtsitohkanaissksinima̱atsookiyinai ka̱taiʼssksiniihpistsi natoa̱ʼpistsi.”

John 7:31

Sota̱mitakaitapiiyi iima̱i̱ʼtoyiiksi Jesus. A̱a̱niiyaawa otsska̱akaohsi otsipisata̱i̱stamatstohkssiistsi; a̱kohkottohtoʼtssksiniihpa ota̱mssayi A̱ʼpistotookiwa anniiska ota̱kohkoikiihpiska.

John 7:26

Issa̱ʼtsik. Osto̱yi ita̱i̱ʼpoyiiwa otsi̱takaitapiihpi ki oso̱tamssaissika̱attsooka kita̱toaʼpinaiminnooniksi. Iika̱nistsinattsiwa a̱nni a̱i̱ksimstatsiiyaawa Jesusi otsi̱i̱taʼpamssayi A̱ʼpistotookiwa o̱mohtakohkoikiihpiska a̱yaksikamotsiipiookiiyi. Issksini̱ʼpa ma̱tanistsiksimsstaawaiksaawa.

John 4:28

Ki a̱nniayii oma̱a aaki̱i̱wa sota̱mssksstsiso̱owa. Sota̱mitsskitsiiwa o̱mohtawa̱akisspi o̱o̱hki. Kii o̱o̱mahkaoʼka sta̱msstsiso̱owa. A̱a̱ʼnistsiiwa omi̱i̱ksi mata̱piiksi,

John 4:30

Kii o̱o̱mikskaoʼkiaawa itoma̱tapsaʼkapo̱o̱yaawa. A̱i̱ʼtapo̱oyaawa Jesus.

John 4:39

O̱ki. Kii omi̱i̱ksi istsitapi̱i̱ksi Samaria a̱nni aka̱i̱tapisskoyii ita̱o̱piiksi, itaka̱i̱tapiiyi iima̱i̱ʼtoyiiksi Jesus. Iihtoma̱i̱ʼtakiiyaawa omi̱i aaki̱i̱yi ota̱nissayi “Nita̱nikka ni̱tohkanawanisttsissiistsi.”