9 O̱ki. Oma̱a Nicodemus sota̱maniiwa “Tsa̱a̱htaa ka̱a̱hkanistapawaaniihpahtaa.”
O̱ki. Ota̱i̱ʼksistsisstsiwakatoohsaawa a̱a̱mostska ami̱i̱ksi Jesus ota̱i̱ssksinimaatsaaiksi iihpo̱ʼkiiwo̱oyiiksi aka̱i̱tapiiyi itani̱i̱ksi “Iko̱kaʼpohtakoyi a̱a̱mostska otani̱ssiistsi. Ma̱toohkohkottsisstsiwakatoʼpaistsi.”
O̱ki. A̱nnika omi̱i̱ksi isto̱ʼtotamaʼpssiiksi Jews itoma̱tapakohkootsiiyaawa. “A̱a̱mohka ni̱naawahka tsa̱a̱htaa a̱a̱hkayaakanistohkottsiisookiwahtaoʼtsi oosto̱mi.”
Ki oma̱a Nicodemus sota̱maniiwa “Tsa a̱kattanistohkottsipokaayi̱waiksi omi̱i̱ksi a̱kaomahkitapiiksi? Ma̱takattsskitsipioʼpa kiiksi̱sstonnoona oosto̱mi a̱a̱hkattsistaiʼpokayoʼsi.”
Omii issopo̱yi a̱kitapssopowa ota̱yakitapssopohpi. A̱yoohtsiiʼpa kii ina̱o̱ʼksaissksiniʼpa o̱mohtoʼtsstsiihpii ki ota̱kitapssopohpi. A̱nni niʼto̱yi niitsii Natowo̱ttaka manista̱o̱hkotahpi mata̱piiksi amoohka mattsi̱i̱taaksipaitapiʼssini.”
Jesus itsipo̱ʼtanistsiiwa̱yi, “Kiisto̱wa a̱niikskaoʼkiaawa anni̱i̱ksiska a̱o̱ʼtotamssksinimaatstohkiikska anno̱o kitssksa̱a̱hkominnooni Israel. Kiisto̱wa kita̱kohkottsikaotsistapiʼtsiihpa a̱a̱mostska ta̱waaniihpistska.
