7 Pinohtsi̱pisatsiʼtakita kita̱nistohsi kita̱kattohkottsistaiʼpo kaayissoaayi.
Jesus itani̱stsiiwa̱yi, “O̱ki. Kita̱kanisto niitsi̱i̱yi. Sawa̱ttsistaiʼpokayiinoainiki kima̱takohkottsitsinsspoaawa anniiksi A̱ʼpistotookiwa otsi̱tsinayihpiksi mata̱piiksi.”
Ko̱mohta̱i̱sitsipssato a̱a̱mostska niitsi̱i̱stsi anno̱ma ksa̱a̱hkomma, ki kima̱takomaiʼtookihpoaawa. Kita̱ksta̱miitaʼpsaomaiʼtookihpoaawa ikka̱mohtssitsipssatoiniki isspo̱o̱htsim.
Kii pinohtsi̱pisatsiʼtakik a̱a̱mohka nita̱waaniihpihka. I̱ssoohtsika iʼni̱i̱ksi itoya̱aksstsaaiksi nita̱kohkanayoohtookiaawa nitaiʼpoyissi.
Amoohk mattsista̱i̱ʼpokaiʼssini iihto̱ʼtsstsiiwa Natowa̱ttaka. Mata̱piiksi ma̱tohpipokaayiwaiksaawayi. Sta̱mikakitapiiwaʼsiaawa. Natwo̱ttaka a̱nnahkayii a̱kohkottohkotsiiwaiksi amohk mattsi̱i̱taaksipaitapiʼssini.
Omii issopo̱yi a̱kitapssopowa ota̱yakitapssopohpi. A̱yoohtsiiʼpa kii ina̱o̱ʼksaissksiniʼpa o̱mohtoʼtsstsiihpii ki ota̱kitapssopohpi. A̱nni niʼto̱yi niitsii Natowo̱ttaka manista̱o̱hkotahpi mata̱piiksi amoohka mattsi̱i̱taaksipaitapiʼssini.”
