John 20:20 - Annaahk John Manistsitsinikatahpi Jesus Manistsipaitapiihpiai 1979

²⁰ Ki ota̱i̱ʼksistanistoohs i ita̱i̱stamatsiiwa̱i̱ksi oʼtsi̱i̱stsi, ki a̱a̱mo isttsipo̱o̱htsi osto̱mi iitssi̱mahpi. Ki omi̱i̱ksi iihtsi̱taamssiiaawa otsino̱ahsaawa otsi̱naaimoaawayi.

John 20:20 交叉引用

John 16:22

Ki a̱nnohka niʼto̱i niitsiiwa, kiisto̱aawa kita̱yaaksikihki̱niʼtakihpoaawa. Kii kita̱kitamattsinoohpoaawa, ki a̱nnimayii kita̱kstonnatohsiʼtaamsspoaawa. Ki ma̱takitsstsiihpa kito̱ʼtomookoaayi kitsi̱ʼtamssoaawayi.

John 20:27

Ina̱i̱ʼtanistsiiwa omi̱i Thomas, “Po̱o̱hsapikinsstsaakit. Issa̱ʼtsit a̱a̱mostsi noʼtsi̱i̱stsi. Ista̱pikinsstsaakit a̱a̱mo isttsipo̱o̱htsi noosto̱mi, nitsi̱tssimokooyi. Pina̱ttsayiʼtakit. Ama̱i̱ʼtakit.”

John 16:20

O̱ki, kita̱kanistohpoaawa niitsiiyi. Kiisto̱aawa kita̱yaaka̱sanihpoaawa, kita̱yaakaoyiʼtakihpoaawa. Kii ka̱taʼyaomaiʼtakiiksi a̱ksotamiʼtaamssiaawa. Ki kiisto̱aawa ki ta̱ksikihki̱niʼtakihpoaawa. Kii aipstsi̱ksisamosi kita̱kitahtsoaiʼtaamssa̱ttsootspoaawa.

John 19:34

Ki a̱nnika oma̱a to̱kskamma a̱wawahkaoʼtsiiwa sapapi̱staʼtsi iihtssi̱miiwa Jesus isttsipo̱o̱htsi osto̱mi. Sota̱msso̱o̱ksaikimsskaawa a̱aa̱pani ki aohki̱i̱yi.

John 20:25

Ki anniayi Thomas ota̱a̱nikka omi̱i̱ksi Jesus oma̱ttanikapiimiksi, “Tsinoa̱nnaana kitsi̱naaiminnoona.” Ki itani̱stsiiwaiksi, “Kima̱takomaiʼtoohpoaawa. Niisto̱wa ikkami̱nimminiki iksi̱niminiki oʼtsistsi itssta̱i̱hpi, ikkami̱ksiinimminiki omii isttsipo̱o̱htsi osto̱mi itssi̱mahpi kita̱kitomaiʼtoohpoaawa.”