7 Jesus itani̱stsiiwa omiiksi a̱yiisakiiksi “Mato̱o̱ʼtakik aohki̱i̱ ki sta̱mohtokimsstooka omiistsi o̱o̱kotoksiisoyinnistsi.” Sota̱miitaʼpohtokimsstoomiaawaistsi.
Jesus oksi̱sstsi itani̱stsiiyinai omiiksi a̱yiisakiiksi “I̱sstsiiwok kita̱akaniiyihpoaawayi.”
Kii, ki itsi̱ʼtsinihkaayi omiistssi mi̱i̱niaohkiistsi. Kii Jesus otsi̱tanikka oksi̱sstsi, “Ma̱tattsitsstsiihpa mi̱i̱niaohkii.”
O̱ki. Anni̱stsayii o̱o̱hkotoksiisoyinnii. Na̱a̱oyaawa. Anista̱piiyaawa amostsiska ita̱i̱sapaʼsoyinnakioʼpi aohhki̱i̱. Omi̱i̱ksi Jews iihtawa̱a̱toissiiststakiʼpanistssiiyaawa. Amo̱o niʼtsiso̱yinni a̱kitsapaʼsoyinnakioʼpa na̱tsippoohki kia̱ya niyi̱ppoohki.
Jesus itani̱siiwaiksi “A̱nnoohka to̱ttakika. Istoto̱ttakoosa annaahka istsi̱nawa annoo omoo̱o̱hsini.” Ki ito̱ttakoyiiyaawa̱yi. O̱ki omii aohki̱i̱yi a̱kayiiniaohkiiwaʼsiwa.
