John 19:11 - Annaahk John Manistsitsinikatahpi Jesus Manistsipaitapiihpiai 1979

¹¹ Jesus itani̱i̱wa, “A̱ʼpistotookiwa a̱nnahkaoʼka ki̱tohkokka ka̱a̱hkohkottokakihtsimaahsi. Kika̱taʼohkokkopi kita̱kitsaohkottokakihtsimakki. A̱nnohka iiko̱kaʼpiiwa kanista̱o̱kakihtsimakkihpi. Ki oʼtsi̱tskokaʼpiwa ota̱nisttsiihpi Caiaphas. Nitsipo̱o̱hsapsskooka ka̱a̱hkokakihtsimakkssi. A̱a̱mohkayii oʼtsi̱tskokaʼpiiwa.”

John 19:11 交叉引用

John 3:27

John itani̱i̱wa “Ma̱tohkoikiiwa. A̱ksikakohkottanisttotsiihpi o̱tohkokkihpistsi A̱ʼpistotookiwa a̱a̱hkaʼpoʼtsissi.

John 7:30

O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.

John 18:3

Kii ki sota̱mitsistsso̱owa Judas. Itsi̱stssi̱piiwa omi̱i̱ksi ika̱katapiiyi a̱wawahkaoʼtsiiksi, ki anni̱i̱ksi omi̱i̱ksiska otsi̱nnakiimoawaiksi omi̱i̱ksi Jews. Iihpo̱ʼtooyaawa a̱a̱mostska pako̱yittsi, ki siipia̱naʼkimaʼtsi, ki o̱mohtawa̱wahkaoʼtsiaʼpanistsspiaawa.

John 9:41

Jesus itani̱stsiiwaiksi, “Kii ki̱niitaʼpsaohkootsistapiʼtakihpoaawohtopi a̱nni na̱a̱psstsi, kita̱akitsaohpotoiʼmotspoaawa kipahtsa̱ʼpsoaawayi. Ki kiisto̱aawa kita̱waaniihpoaawa, ‘nita̱o̱tsistapiʼtakihpinnaan’. Ki a̱nniayii kima̱tssiinomotspoaawa kipahtsa̱ʼpssoaawayi.”

John 18:13

O̱ki. Ki o̱o̱mikskaoʼki sota̱motomitapipiiyaawa Jesusi omii Annas ma̱a̱hkokakihtsima̱yissi. Osto̱yi a̱nniskaoʼkinai maa̱hsi oma̱a Caiaphas. Oma̱a Caiaphas a̱nnahkaoʼka isspato̱yaapiikoana a̱nnihka isstoyi̱i̱hihka. Ki a̱nnihkayi iihtoto̱mitapi̱piiyaawa Jesus omii Annas.

John 19:10

Ka̱a̱taniiwa oma̱a Pilate, “A̱nnia. Kima̱taksiʼpoa̱kkihpa. Kika̱taiʼssksini̱i̱hpa niisto̱wa nini̱ʼtsitapiiyi kita̱kohkottsipoʼto ki nini̱ʼtsitapiiyi kita̱kohkottokakihtsimato ka̱a̱hkawoistaokoohsi.”