John 18:31 - Annaahk John Manistsitsinikatahpi Jesus Manistsipaitapiihpiai 1979

³¹ Pilate itsipo̱ʼtanistsiiwaiksi, “Sota̱moʼtooka. Sota̱mohpokakihtsimatok kita̱wattokakihtsimaanoaayi, kanista̱psspoaayi Jews.” Omi̱i̱ksi Jews itani̱i̱yaawa, “Kiisto̱aawa Romans itana̱ʼsiwa kitoka̱kihtsimaanoaawa Niisto̱nnaana Jews ma̱a̱hksayitsstsissi na̱a̱hkokakihtsimatannaani a̱a̱hksiʼnitahsi. Ki a̱nnihkayii kiisto̱yi no̱mohtsitapi̱piannaana ka̱a̱hkokakihtsimatahsi.”

John 18:31 交叉引用

John 19:15

Sota̱mattsohkaniiyaawa, “Mi̱i̱stapipoʼtosa, mi̱i̱stapipoʼtoosa. Awo̱i̱staasa.” Ki a̱a̱niiwa oma̱a Pilate, “Kika̱taiʼsstakkihpoaawa na̱a̱hkawoistaahsi anna̱a kitsi̱sttsiipihkini̱naaimoaawa?” Ki itani̱i̱yaawa omi̱i̱ksi ni̱naato̱yaapiikoaiksi, “Nima̱tsisttsiipihki̱naaimannaanaatsi. Niʼtsita̱pii nitsi̱sttsiipihkni̱naaimannaana. Annaahka Ceasar a̱nnahkaoʼka.”

John 18:30

Oso̱tamanikkaiksi, “Ki oma̱a ni̱naawa ka̱taʼyaokaʼpitapiiwopi ma̱takitapipoʼtoannaana kiisto̱yi ka̱a̱hkitokakihtsimatahsi.”

John 18:32

Oma̱a Jesus osto̱i i̱i̱kayissanistoma manista̱yaaksiʼnihpa. A̱nnihkayii iihtani̱staisiwa omi̱i̱ksi mata̱piiksii ma̱a̱hkanistahsaawa Pilate ma̱a̱hkokakihtsimatahsi Jesus.