John 18:20 - Annaahk John Manistsitsinikatahpi Jesus Manistsipaitapiihpiai 1979

²⁰ Itani̱i̱wa oma̱a Jesus, “Nitsi̱tssksinimaatstohki otsi̱takaitapisskohpi, kana̱a̱tapiiyi ma̱a̱hkoohtsissaawa. Nitsi̱taika̱pipstssksinimaatstohki omi̱i̱stsi itawa̱atsi̱moihkaaoʼpistsi ki o̱o̱mi o̱mahkitawaatsi̱moihkaaoʼpi. Anni̱i̱ksi Jews iihkana̱i̱tomowo̱oyaawa. Nima̱tsikakitsisimissksinimaatstohki.

John 18:20 交叉引用

John 7:26

Issa̱ʼtsik. Osto̱yi ita̱i̱ʼpoyiiwa otsi̱takaitapiihpi ki oso̱tamssaissika̱attsooka kita̱toaʼpinaiminnooniksi. Iika̱nistsinattsiwa a̱nni a̱i̱ksimstatsiiyaawa Jesusi otsi̱i̱taʼpamssayi A̱ʼpistotookiwa o̱mohtakohkoikiihpiska a̱yaksikamotsiipiookiiyi. Issksini̱ʼpa ma̱tanistsiksimsstaawaiksaawa.

John 7:4

Ikka̱msstainiki ka̱a̱hksaaʼtaʼssi kita̱kohkottsaitanissttotsiihpiaawa otsi̱tonnatsitapiihpi. A̱a̱mostsi kita̱waanisttotsiihpiaawa. Kii a̱nnohkayii kita̱kohkottaistamaatsaaya mata̱piiwa kanistapsspi.”

John 8:26

Ki iika̱kaoi nanista̱akohtsiʼpoyihpi kiisto̱aawa; ika̱kawoyi ko̱mohtakokakihtsimatohpoaawaistsi; kii, ki anna̱a̱hka nito̱ʼtsskookahka iiko̱kamoʼtaʼpssiwa, ki a̱nnohka nika̱a̱kanistawa mata̱piiwa nita̱a̱ni̱yihpistsi annaahka nito̱ʼtsskookahka.”

John 8:2

Kii ki a̱i̱ʼkskanaotonni ki o̱o̱mahkaoʼka Jesus ma̱ttsskitapoowa omiima o̱mahkitawatsimoihkaaoʼpi. Ki a̱nniiksayii aka̱i̱tapiiyi Jesus ota̱o̱toyisstsiiwokiksi. Ki osto̱yi ita̱aka̱opiiwa. Ai̱ssksinimaatsiiwaiksi.

John 7:28

O̱ki. A̱nniai Jesus sota̱mitsipiima omii o̱mahkitawaatsi̱moihkaaoʼpi. A̱i̱sohkssitsipssatsiiwa omi̱i̱ksi ota̱i̱ssksinima̱atsaaiksi manista̱ksokaʼpoohto̱yihpiaiksi. A̱a̱niiwa, “Oki. Kanistsi̱ksimsstaahpoaawa, ka̱a̱hkssksinookihpoaawa kii no̱mohtoʼtoohpii. Kitsi̱pahtsiiksimsstaahpoaawa. Kita̱o̱kamoʼtanistohpoaawa iitsstsi̱i̱hpa nitsipo̱o̱hsapsskooki. A̱nnahkayi no̱mohtoʼtoo. Nima̱ta̱wattaistoohpa. Osto̱yi nitsipo̱o̱hsapsskooka. Ki kiisto̱aawa kima̱tssksinoaawaawaatsiksi.

John 7:14

Kii ki aihtatsi̱kiokstoohsi amo̱stsi o̱mahksiksistsikoistsi, oma̱a Jesus itsita̱poowa omii o̱mahkitawaatsi̱moihkaaoʼpi. Ki sota̱mssksinimaatstohkiwa.

John 6:59

A̱nniayii a̱a̱niiwa Jesus, anniihka otsi̱tsipstssksinimaatstohkihpihka omi̱i̱ksi Jews otsi̱tawaatsimoihkaahpoaayi omii aka̱itapisskoyi Capernaum.

John 18:21

Ki a̱nnohka tska̱a ko̱mohtaisopoahtsiiʼsakkihpa nitssksini̱matstohkssini. Kita̱kohkottsopoahtsiiʼsatayi omi̱i̱ksi ayo̱o̱htsimiiksi nita̱a̱niihpistsi. O̱o̱miksaoʼki. Issksini̱miaawa nita̱a̱nistahpiaawaistsi.”